Dagiti pondo ti CDBG-DR ket kangrunaan a makagunggona kadagiti tattao ken komunidad ti LMI (Low-To-Moderate Income), ken dadduma pay a nalaka a maapektaran a kameng ti komunidad a direkta a naapektaran iti didigra.

Ania ti limitasion ti matgedan ti sangakabbalayan a maibilang nga LMI (Low-To-Moderate Income)?

• Ti LMI (Low-To-Moderate Income) ket maibilang a 80% iti median a matgedan ti sangakabbalayan ti maysa a lugar. Para iti Maui County idi 2024, ti median a matgedan kas inkeddeng ti HUD ket $110,800.

Siasino ti maibilang a ''vulnerable''?

• Ti HUD ket mangilasin ken ipangpangrunana ti tulong para kadagiti nalaka a maapektaran a populasion a di proporsional a naapektaran kadagiti didigra.
  ..

Dagiti Nalawa a Kategoria dagiti Nalaka a maapektaran a Populasion para iti CDBG-DR ket mairaman ti:

• Dagiti nababa ken kalalainganna ti matgedanda (LMI) a tattao wenno sangakabbalayan
• Kupuna
• Dagiti tattao a makapadas iti kinaawan pagtaengan
• Dagiti tattao nga addaan iti depekto (agraman dagiti tattao nga addaan iti pisikal, mental, wenno depekto iti panagdur-as) .

No ti matgedan ti sangakabbalayanmo ket lumablabas iti limitasion ti LMI mabalin a saanka a maikari kadagiti direkta a benepisio nga ipaay ti pondo ti CDBG-DR. Nupay kasta, mabalin pay laeng nga adda dagiti saan a direkta a pagimbagan, a kas ti napasayaat nga imprastruktura, dagiti panagregget ti panagsubli iti intero a komunidad, ken dagiti dadduma pay a rekurso a mangsuporta ti sapasap a kinaandur ti Kondado. Mainayon pay, mabalin nga itukon ti Kondado ti dadduma pay a programa wenno rekurso babaen kadagiti nadumaduma a gubuayan ti pondo a mabalin nga ad-adda a mayaplikar kadagiti sangakabbalayan iti ngato ti limitasion ti LMI.

Ti CDBG-DR Action Plan ket mangibalabala kadagiti aktibidad nga aramiden ti Kondado iti sidong ti programana a panagsubli wenno panangpabassit. Nairaman dagiti detalyado a gatad ti pondo, pagtaudan ti dadduma a pondo, ken dagiti kasosyo iti pannakaipatungpal. Ti input ti komunidad a naurnong babaen kadagiti adu nga events ti pannakipaset ti komunidad nga inangay ti County sipud idi dagiti uram iti kabakiran – agraman dagidiay nangipakaammo iti Long-Term Recovery Plan ti County para iti Lahaina – ket naikabil iti draft, a nairuar ken silulukat para iti public review/feedback idi Pebrero 24, 2025. Maangay dagiti public hearings iti draft Action Plan inton Marso 8, 11, ken 14. Agserra ti public comment period inton Marso 26, 2025.

Maileppas dagiti programa apaman nga aprobaran ti HUD ti naisingasing nga Action Plan. No pampanunotem ti agaplikar kadagiti programa a pinunduan ti CDBG-DR a mabalin a maikarika, mabalinmo nga aramiden dagiti sumaganad a banag tapno agsaganaka:

• Mangurnong kadagiti pinansial a dokumento (pammaneknek ti matgedan, statement ti banko, tax returns, kdpy.) .
• Mangidulin kadagiti rekord ti amin a pinansial a tulong a naawat (FEMA, Rental Assistance Payments, CNHA, kdpy.) Idulin dagiti rekord dagiti naipila a claim ti seguro ken dagiti naawat a gunggona
• Agtalinaedka a naammuan babaen kadagiti miting ti komunidad ken MauiRecovers.org

Masapul a mausar dagiti pondo ti CDBG-DR para kadagiti programa a direkta a makagunggona kadagiti indibidual a nakalasat, kas iti tulong a mangbangon manen para kadagiti maikari nga agtagikua iti pagtaengan, ken saan a direkta a maiwaras kadagiti nakalasat.

Dagiti pondo ti CDBG-DR ket maysanto kadagiti sumagmamano a gubuayan ti pondo nga usaren dagiti proyekto iti Long-Term Recovery Plan ti County of Maui para iti Lahaina. Para kadagitoy a pondo, ikonsiderar ti Kondado amin a proyekto ti panagsubli iti didigra iti Long-Term Recovery Plan a maikari iti CDBG-DR.