Mabalin a kiddawenda kadagiti aplikante iti HIHP nga ipaayda dagiti sumaganad a dokumentasion:  

• Pammaneknek ti kinasiasino. SAAN a kasapulan nga ipamatmat daytoy a dokumentasion ti kasasaad ti kinaumili.
• Pammaneknek ti pre-disaster residency iti uneg ti Maui County.
• Pammaneknek ti pannakapukaw ti matgedan ken saan a makabayad iti abang wenno mortgage.
• Dokumentasion ti aniaman a sabali pay a tulong a mabalin a naawatmo a mainaig iti Maui Fires.

..

Dagiti sangakabbalayan a nakaawat iti sabali a tulong ket mabalin pay laeng a maikari iti HIHP ken maparegtada nga agaplikar.

Daytoy a programa ket para kadagiti naidestiero manipud iti pagtaenganda gapu iti Maui Wildfires. Dagidiay makapaspasar iti kinaawan pagtaengan ket mabalinda a bisitaen ti homelessness.hawaii.gov/help tapno makagun-od iti tulong.

Bigbigenmi a mabalin a nagbaliw dagiti miembro ti sangakabbalayayo kalpasan dagiti uram iti kabakiran. Rumbeng nga iraman ti aplikasionmo ti amin nga indibidual a planom a pakipagnaedan no naikabilka iti interim housing unit.

Saan a matingiting ti pannakakualipika para iti HIHP maibatay iti matgedan, demograpiko a pakabuklan, wenno kinaumili dagiti kameng ti sangakabbalayan.

Saan, saan a direkta nga agbayad ti HIHP kadagiti sangakabbalayan a nakalasat.

Ti pannakakualipika ket saan a mangipanamnama iti pannakaikabil iti interim housing unit. Dagiti kualipikado nga aplikante ket maipada kadagiti interim housing units maibatay iti availability.

Mausar ti impormasion nga itedmo tapno matingiting dagiti kasapulam ken pannakakualipika. Saan a mailako ti datos ti sangakabbalayanmo. Mabalin nga ibinglay ti impormasion ti aplikante kadagiti ahensia ti Estado ken Pederal, dagiti kontraktorda, dagiti saan a makaganansia nga organisasion, ken dadduma pay a kasosyo nga ahensia para iti panggep a mangipaay iti tulong a mainaig iti 2023 Maui Wildfire Disaster. 

Naan-anay a libre ti panagaplay iti HIHP. Dagiti aplikante a naikabil iti interim housing unit ket saan a makiddaw nga agkontribusion iti bayad ti abang wenno utility agingga iti Agosto 2025.

Wen. Masapul nga agpirma dagiti aplikante iti HIHP iti Disaster Case Management Program (DCMP). Ti DCMP ket maysa a panagregget a pinunduan ti FEMA a mangipalubos kadagiti nasanay a case managers a makitinnulong kadagiti nakalasat iti didigra tapno mangaramid iti plano ti panagsubli iti didigra ken agtitinnulong a mangtaming kadagiti di pay napennek a kasapulan a nailadawan iti plano. Dagiti aplikante nga nagaplay iti DCMP ngem saan pay a naituding iti case manager ket maikari pay laeng iti HIHP.

Ti kapaut ti panagyanmo iti interim housing unit ket agpannuray iti sumagmamano a banag ken agtultuloy a matingiting.

Mabalin a makalaon dagiti interim housing site kadagiti taraken. Pangngaasiyo ta iladawan dagiti tarakenyo iti aplikasion tapno ti maysa a kameng ti grupo ti HIHP ket makatunos kadakayo iti interim housing unit a kasayaatan a makatulong kadagiti kasapulanyo.

Rumbeng a kontaken dagiti nakalasat ti 211 tapno rugian ti proseso ken agkiddaw iti follow up manipud iti kameng ti DCMP team tapno mangisayangkat iti intake discussion.

Dagiti sangakabbalayan a kasapulan ti tulong nga agaplikar iti HIHP, agraman dagidiay limitado ti kinalaingda iti Ingles, ket mabalinda a kontaken ti Call Center iti 1-808-727-1550 para iti tulong.  

..

Mabalinmo ti agaplikar babaen ti panagbisita iti daytoy a panid wenno panagtawag iti 1-808-727-1550 ken panangkompleto kadagiti saludsod para iti sangakabbalayanmo. Masapul nga agparehistroka iti account online nga addaan iti balido nga email address tapno makaawat kadagiti update ti programa ken mangipaay kadagiti kasapulan a dokumentasion. No awan ti email address-mo, mabalinmo nga awagan ti contact center-mi iti 1-808-727-1550 tapno tumulongda a mangparnuay iti maysa para kenka.  

No dati nga nagaplayka para iti tulong iti FEMA wenno American Red Cross, mabalin a nasaksakbay a napunno ti dadduma nga impormasionmo iti aplikasion. Pangngaasiyo ta repasuenyo amin nga impormasion ken kompletuen ti aniaman a kurang a tay-ak. Inton malpas ti aplikasionmo, makiuman kenka ti maysa a kameng ti grupo ti HIHP tapno pagsaritaanda dagiti sumaruno nga addang.  

..

Mabalin a maikarika iti HIHP no:

• Nagnaedka idiay Maui County sakbay ti didigra.  
• Naidestieroka manipud iti pagnanaedam gapu iti Maui Wildfires, wenno...
• Naipasangoka iti kinaawan panggedan a mainaig iti didigra a nagbanag iti pannakapukaw ti pagtaenganyo.

Tulongan ti Hawai'i Interim Housing Program (HIHP) dagiti naidestiero gapu iti uram iti kabakiran ti Maui babaen ti panangikabilda kadagiti nakalasat a sangakabbalayan kadagiti temporario a balay nga isponsor ti estado. Ti programa ket imatmatonan ti Hawai'i Office of Recovery and Resiliency (HORR) babaen ti pannakitinnulong ti Departamento ti Serbisio ti Tao (DHS) ti Estado ti Hawai'i ken Hawai'i Housing Finance and Development Corporation (HHFDC). Ti HIHP ket mangiraman kadagiti amin nga estado ti Hawai'i nga interim housing sites a mainaig iti DR-4724-HI Maui Wildfires recovery, a mairaman ti Hale 'O Lā‛ie, dati a Haggai Institute idiay Kīhei, ken Ka La'i Ola idiay West Maui.

Ti HIHP ket addaan iti dua a lugar ti balay, ti Hale 'O Lā'ie, dati a Haggai Institute, idiay Kihei, ken Ka La'i Ola idiay Laud a Maui. Mabalin a mainayon ti ad-adu pay a housing sites iti HIHP iti masakbayan. No naaprobaran para iti pannakaiplastar, makipagtrabaho kenka ti maysa a kameng ti grupo ti HIHP tapno maipada ti sangakabbalayanmo iti magun-od a solusion ti balay a kasayaatan a makatulong kadagiti kasapulam bayat nga agbalin a magun-odan dagiti yunit. Ti timeline para iti pannakaikabil ket agpannuray iti unit availability.  

Wen, tunggal maysa iti sangakabbalayanmo nga agtawen iti 18 ken natataengan ket masapul a mangkumpleto iti background check tapno kualipikado iti HIHP. Matingiting dagiti resulta ti background check iti indibidual ken sangakabbalayan. 

Adu nga interim housing units ti makaakomodar kadagiti access ken functional needs. Pangngaasiyo ta iladawan dagiti espesipiko a kasapulan ti sangakabbalayanyo iti aplikasionyo tapno ti maysa a kameng ti grupo ti HIHP ket makasarak iti solusion ti balay a kasayaatan a makatulong kadagiti kasapulanyo.