Mangangay ti Kondado ti Maui iti tallo a miting publiko inton Marso maipapan iti draft a Community Development Block Grant Disaster Recovery (CDBG-DR) Action Plan-na.

Dagiti gimong ket kastoy:

• Sabado, Marso 8, 2025; 3 ti malem idiay kapeteria ti Princess Nāhiʻenaʻena Elementary School, a masarakan iti 816 Nīheu St., Lahaina
• Martes, Marso 11, 2025; 3 pm, online (magun-od ti link ti panagrehistro iti www.MauiRecovers.org/events )
• Biernes, Marso 14, 2025; 5:30 ti malem idiay J. Walter Cameron Center Auditorium, a masarakan iti 95 Mahalani St., Wailuku

Idi Dis. 20, 2024, nasurok a $1.6 bilion a pondo ti CDBG-DR ti inlatang ti Kongreso ti E.U. tapno suportaran dagiti panagregget a mangpaimbag a nagtaud iti 2023 nga uram iti kabakiran ti Maui. Maited ti pondo iti County of Maui babaen ti US Department of Housing and Urban Development (HUD).

Kas grantee, ti County of Maui ket mangisubmitir iti HUD iti Action Plan, a mangibalabala kadagiti naisingasing nga aktibidad ken programa a pannakabingbingay dagiti pondo ti CDBG-DR a pakausaran. Iti panangaramid ti draft nga Action Plan na, ti Kondado ket naiturong babaen ti input ti komunidad a naurnong iti napalabas a 18 a bulan babaen ti nadumaduma a panagregget ti pannakipaset ti komunidad, kas kadagiti miting ti komunidad ken dagiti Neighborhood Planning Workshops a naangay para iti Lahaina Long-Term Recovery Plan.

“Dagitoy a miting ket makatulong kadagiti umili a mangammo maipapan iti proseso ti CDBG-DR ken mangipaay iti komento iti naisingasing a plano para iti pannakabingbingay ti pondo,” kinuna ni Mayor Richard Bissen. “Adu a bulan nga agsagsagana ti team-mi tapno nakasagana apaman a mairuar ti pondo. Nangngegmi dagiti napateg a feedback manipud kadagiti napalabas a miting, ken bayat ti panangileppasmi iti Plano ti Aksyon ti Kondado iti panagsubli iti didigra, napateg unay nga itultuloymi ti agsapul iti inputmo."

Bayat dagiti miting ti Action Plan, addanto dagiti opisial ti County a mangsungbat kadagiti saludsod manipud kadagiti timmabuno, a maaddaan iti gundaway a mangipaay kadagiti komentoda iti draft nga Action Plan.

Ti draft nga Action Plan ken ti online feedback form ket naipaskil iti www.MauiRecovers.org/cdbgdr . Maawat ti feedback ti publiko agingga iti alas 4 ti malem HST inton Mierkoles, Marso 26, 2025. Mabalin met a kitaen ti kopia ti draft Action Plan iti David K. Trask Building, 2145 Kaohu St., Ste. 105, Wailuku agingga iti Marso 26, babaen laeng ti appointment (tawagan ti (808) 270-6267 tapno mangiskediul).

Maawat ti feedback ti publiko a personal kadagiti miting ti publiko, babaen ti online a porma, babaen ti email (iti cdbg-dr@mauicounty.gov) ken babaen ti koreo (iti County of Maui Office of Recovery, Attn: CDBG-DR Program Office, 200 South High St., Wailuku, HI 96793).

Pagtitiponen ti Kondado amin a komento ti publiko ken isubmitena dagitoy iti HUD agraman ti Plano ti Aksyon ken dagiti sungbat ti Kondado kadagita a komento.

Para iti ad-adu pay nga impormasion maipapan iti pondo ti CDBG-DR, bisitaen ti www.MauiRecovers.org/cdbgdr.