Ita nga aldaw, rinugian ti US Environmental Protection Agency (EPA) ti trabaho a mang-drain iti garahe a pagparadaan iti uneg ti daga a masarakan iti Front Street idiay Lahainanga nagtalinaed a nalayus sipud idi uram idi Agosto 8th. Idi damo, ti mapagduaduaan nga structural integrity ti parking structure a naitipon iti pannakaseknan kadagiti posible a napeggad a materiales iti danum ti nanglapped iti komprehensibo a panagsukisok ti Maui Police Department. Babaen ti panagtitinnulong ti EPA, US Army Corp of Engineers, FEMA, ken ti County of Maui, maaramid ti panangikkat iti nakatakder a danum ken panangisayangkat iti natalged ken naan-anay a panagsukisok. Mapasamak ti panagbomba iti rabii bayat ti low tide no nababbaba ti lebel ti danum iti garahe.

Apaman a makompleto ti Maui Police Department ti panagsukisok, mangisayangkat ti EPA iti assessment tapno mailasin ken maikkat dagiti napeggad a materiales. Nagkonsulta ken nakikoordinar ti EPA iti County of Maui, cultural monitors, ken FEMA maipapan iti daytoy nga operasion.

“Napaay ti water diversion system a nangtaginayon a namaga ti garahe bayat ti uram iti kabakiran,” kinuna ni EPA Incident Commander Tara Fitzgerald. “Nasinged ti pannakipagtrabahomi iti County of Maui tapno sitatalged a ma-drain ti nalayus a garahe ken maikkat dagiti nabati a napeggad a materiales.”

Ipakita ti panagala iti sample ti danum a ti danum iti nalayus a garahe ket umasping iti agayus iti rabaw ti danum manipud kadagiti driveway, kalsada, ken paradaan. Ibomba ti EPA ti napattapatta a 400,000 – 600,000 a galon a danum iti agdama nga empty stormwater detention basin idiay Lahaina tapno makastrek dagiti trabahador iti garahe ken agtultuloy a mangbomba iti danum agingga a malpas dagiti operasion, wenno makadanon ti detention basin iti kapasidad. Masarakan ti detention basin iti amianan laeng ti West Maui Skate Park ken addaan iti dua a milion a galon a kapasidad.