Inyanunsio ti County of Maui Department of Environmental Management’s (DEM) Wastewater Reclamation Division a binaliwanna ti Sewer Service Status manipud iti “nalabaga,” a mangipasimudaag nga awan ti agdama nga aktibo a serbisio ti imburnal ti maysa a sanikua, agingga iti “berde,” kayatna a sawen nga aktibo ti serbisio ti imburnal, para kadagiti sanikua iti sumaganad a lugar:

• 153 a lote manipud Kenui Street agingga iti Dickenson Street, makai ti Honoapiʻilani Highway  

Aktibo ti serbisio ti imburnal para kadagiti lote manipud idi Marso 3, 2025. Inpakaammo ni DEM Director Shayne Agawa dagiti updates iti Lahaina Community Webinar idi Marso 5, 2025.

Babaen daytoy kaudian a pannakapabaro, agarup a 90% ti sistema ti imburnal ti Kondado ti Lahaina ket aktibo itan. Pattapattaen ti DEM a ti trabaho kadagiti nabati a di aktibo a lugar ket maileppas inton ngudo ti Marso (Shaw Street aginggana iti Dickenson Street) ken inton tengnga ti Abril (Wahikuli Terrace).

Nadadael ti dadduma nga impraestruktura ti narugit a danum bayat ti uram iti kabakiran idi Agosto 2023, a nangputed iti serbisio ti narugit a danum para iti adu a sanikua kadagiti lugar a naapektaran iti uram. Tapno maammuan no ti serbisio ti narugit a danum para iti pagtaengan wenno negosioyo ket naapektaran, pangngaasiyo ta bisitaenyo ti https://mauirecovers.org/wastewater ken i-type ti adresyo iti search bar iti interaktibo a mapa ti County of Maui Sewer Service Status.

Para kadagiti saludsod maipapan iti kasasaad ti imburnal, pangngaasiyo ta tawaganyo ti Wastewater Reclamation Division iti (808) 270-7417.