Ti Departamento ti Panagmanehar ti Aglawlaw ti Kondado ti Maui ket makikadua iti saan a makaganansia a Mālama Maui Nui tapno mangipaay iti White Goods Appliance Collection a panagala ken panagibaba nga event para kadagiti umili ti Lahaina a direkta a naapektaran babaen dagiti uram idi Agosto 2023.

Masapul dagiti appointment para iti serbisio, a nairanta a mangitukon iti responsable a wagas a mangibelleng ken mang-recycle kadagiti alikamen a nadadael gapu iti napaut a pannakapukaw ti koriente ken asuk. Dagiti maikari nga alikamen ket mairaman dagiti refrigerator, freezer, air conditioner, water cooler, washer, dryer, stove/range, microwave ken water heater.

Para iti drop-off event, mabalin nga ag-appointment dagiti umili a mangiyeg kadagiti puraw a tagilako iti naituding a pagkolektaran inton Abril 27 iti nagbaetan ti alas 8 ti bigat ken alas 1 ti malem

Magun-od ti curbside pick-up service para kadagiti residente a saan a makaibiahe kadagiti appliances-da inton Abril 25 ken 26.

“Babaen iti daytoy a panagtitinnulong nga aramid, mangitukonkami iti ima kadagidiay naapektaran iti uram iti kabakiran, a mangpasimple iti trabaho a panangibelleng kadagiti nadadael nga alikamen,” kinuna ni Shayne Agawa, Direktor ti Department of Environmental Management. “Babaen ti responsable a panang-recycle kadagitoy a puraw a tagilako, saantayo laeng a tultulongan dagiti umilitayo iti panawen ti panagkasapulan no di ket makatulong pay iti pagimbagan ti aglawlaw ti islatayo.”

Tapno mangiskediul iti appointment wenno para iti ad-adu pay nga impormasion iti White Goods Appliance Collection event, bisitaen ti https://www.malamamauinui.org/gogreen.html wenno tawagan ti Mālama Maui Nui iti (808) 877-2524.

Daytoy nga event ket magun-od laeng kadagiti sangakabbalayan a masarakan iti Lahaina Wildfire Disaster Area. Maberipika ti pannakakualipika bayat ti panagiskediul ti appointment.

..