Maiparparegta kadagiti umili a tumabuno iti Weekly Disaster Recovery Community Update Meeting ni Mayor Richard Bissen iti alas 5:30 ti malem ti Mierkoles, Mayo 22. Ti linawas a miting, a dati a naangay iti gymnasium, ket umakar iti baba ti social hall iti Lahaina Civic Center.

Maitampok iti miting ti update maipapan iti panagrang-ay ti panagikkat kadagiti rugit babaen ti US Army Corps of Engineers, impormasion maipapan iti panagregget ti Hawaiʻi Department of Education a mangurnong iti input iti maysa a site para iti King Kamehameha III Elementary School, report ti panagrang-ay manipud iti Recovery Permitting Center ken update kadagiti programa ti Maui Food Bank tapno matulongan dagidiay naapektaran kadagiti uram.

Dagiti pannakabagi manipud kadagiti ahensia ti county, estado ken pederal ket mangitukon kadagiti linawas nga updates a mangsaklaw iti panagrang-ay, eskediul ken masansan a maisaludsod ti komunidad bayat nga agtultuloy ti panagdalus kadagiti rugit. Nangrugi dagiti miting ti komunidad idi Nobiembre.

Mai-livestream ti miting iti Facebook page ti County of Maui; awan ti account a kasapulan tapno makita. Mabalin met a buyaen ti mitingyo iti Akakū Channel 53.

Maiparparegta kadagiti naapektaran nga umili ken agtagikua iti pagtaengan nga agpirma para kadagiti pakaammo iti email ken text iti https://www.mauirecovers.org .