Maiparparegta kadagiti umili a tumabuno iti Weekly Disaster Recovery Community Update Meeting ni Mayor Richard Bissen iti alas 5:30 ti malem ti Mierkoles, Hunio 26, iti gymnasium ti Lahaina Civic Center.

Karaman iti miting ti update ti US Army Corps of Engineers maipapan iti pannakaikkat dagiti rugit, impormasion iti baro a portal ti Department of Health a mangmonitor iti aglawlaw, ken presentasion ti Maui Emergency Management Agency, Maui Fire Department, Maui Police Department ken County Department of Public Works.

Mai-livestream ti miting iti Facebook page ti County of Maui; awan ti account a kasapulan tapno makita. Mabalin met a buyaen ti miting iti Akakū Channel 53.

Maiparparegta kadagiti naapektaran nga umili ken agtagikua iti pagtaengan nga agpirma para kadagiti pakaammo iti email ken text iti https://www.mauirecovers.org .