Inpakaammo ita nga aldaw ti County of Maui Department of Parks and Recreation a naiplano dagiti aktibidad ti panagtarimaan ken panangpapintas iti Wahikuli Wayside Park sadiay Lahaina iti sumaganad a tallo a lawas. Maipamaysa dagiti panagregget iti panangipatungpal kadagiti gagangay a kasapulan iti pannakamantener ken panangaramid iti parke a natalged para kadagiti amin nga agus-usar iti parke.

Epektibo inton Huebes, Hulio 18, 2024, maipatungpal ti oras ti panagparada babaen ti pannakaserra dagiti banio ken ruangan ti paradaan iti rabii, segun iti Maui County Code. Regular nga oras ti parke ket 7 am – 8 pm, pito nga aldaw iti makalawas.

Dagiti aktibidad a mangpapintas iti parke ket mairaman ti panagputed iti kayo, panagtarimaan iti irigasion ken panangisubli iti regular nga eskediul ti irigasion, panagtarimaan iti banio, panagpinta, panagtarimaan iti bangketa, panagtarimaan iti lamisaan a pagpiknikan, ken panangtingiting kadagiti dalan a pagserkan ti ADA para kadagiti isyu ti kinatalged.

Ti Wahikuli Wayside Park ket 8.3 nga ektaria ti kadakkelna, ken mangitukon iti 25 a naabbungotan a picnic pavilion nga addaan kadagiti lamisaan a pagpiknikan, walo a barbecue grills ken siam a di naabbungotan a lamisaan a pagpiknikan. Ti parke ket addaan iti tallo a restroom pavilion, tallo nga outdoor shower ken gripo ti danum a mabirukan kadagiti amin a barbecue grills.

Para iti sapasap nga impormasion kadagiti parke, bisitaen ti https://www.mauicounty.gov/parks .