Lahaina Town North, Lahaina Town South ken dagiti historiko a distrito ti negosio a mairaman 

Mangangay ti County of Maui Office of Recovery ken Department of Planning iti tallo a workshop iti panagplano iti sangakaarrubaan inton Hunio para kadagiti residente a mangibinglay kadagiti kapanunotanda kadagiti topiko nga espesipiko kadagiti lugar kadagiti empleado ti county. 

Naituding dagiti workshop inton Hunio 1, 15 ken 29, 2024, manipud alas 3 agingga alas 5:30 ti malem idiay Lahainaluna High School cafeteria, 980 Lahainaluna Road, Lahaina. 

Dagiti workshop ket kastoy: 

• Lahaina Town North Neighborhood Planning Workshop inton Sabado, Hunio 1. Daytoy a workshop ket para kadagiti residente iti lugar iti amianan ti Lahainaluna Road, agraman ti Keawe Camp ken Māla. 
• Lahaina Town South Neighborhood Planning Workshop inton Sabado, Hunio 15. Daytoy a workshop ket para kadagiti residente iti lugar iti abagatan ti Lahainaluna Road, agraman ti Shark Pit ken Puamana. 
• Historic and Business Districts Planning Workshop inton Sabado, Hunio 29. Daytoy a workshop ket mangtaming kadagiti historic ken business districts ken maysa a gundaway para kadagiti kameng ti komunidad ti Lahaina a mangibinglay kadagiti kapanunotanda iti masakbayan daytoy a lugar. 

Lumakad dagiti ruangan iti alas 2:30 ti malem, ken mangrugi dagiti workshop iti alas tres ti malem Maipaay dagiti merienda ken aktibidad dagiti ubbing. 

Addanto dagiti agipatarus iti pagsasao iti lugar (ASL, Hawaiian, Ilocano, Español, Tagalog, Tongan). Gapu iti limitado a paradaan, mairekomendar unay ti panag-carpool. Maireserba ti paradaan nga asideg iti lugar para kadagidiay agkasapulan iti tulong iti panaggunay. 

Makatulong dagiti workshop tapno masigurado nga ammo dagiti residente dagiti pagpilian para iti sangakaarrubaanda ken ammo ti Kondado dagiti kaykayat ti komunidad tapno mairamanda iti napaut a plano ti panagsubli.  

Dagitoy a workshop ti sangakaarrubaan ket SAAN a mangiraman iti impormasion para kadagiti makinkukua iti igid ti baybay a kayatda ti mangbangon manen. Iruar ti Planning Department ti impormasion maipapan iti proseso para kadagiti makinkukua iti sanikua iti igid ti baybay inton katengngaan ti Hunio ken itukonna ti gundaway para iti maysa-iti-maysa a konsultasion bayat nga ag-navigate dagiti makinkukua iti proseso. 

Ipangpangruna ti Office of Recovery ti pannakipaset ti komunidad para iti napaut a plano ti panagimbag para iti Lahaina. Ti panggep ti pannakipaset ti komunidad, kas kadagitoy a workshop, ket makitinnulong kadagiti residente iti sirmatada para iti panagimbag, a mangiturong iti napaut a plano ti panagsubli dagiti proyekto a mangtaming kadagiti pannakadadael manipud iti uram idi Agosto 2023. Ti plano ti panagsubli ket iramanna dagiti proyekto ken pondo, ken mangiwanwan iti panagsubli iti natalged ken naandur a wagas. 

Naangay dagiti napalabas a workshop ti panagplano para kadagiti kaarrubaan ti Kelawea Mauka ken Wahikuli. Mapatpataud met ti online neighborhood planning workshop. Pangngaasiyo ta bisitaenyo ti https://www.MauiRecovers.org/events para kadagiti update. 

Para kadagiti saludsod, ag-email iti olalahaina@mauicounty.gov wenno tawagan ti Departamento ti Panagplano iti Long Range Division iti (808) 270-7214 . 

# # # . 

Dagiti Rekurso: Mapa dagiti lugar ti workshop ti panagplano ti sangakaarrubaan

..

Ili ti Lahaina Amianan

..

Ili ti Lahaina Abagatan

..

Workshop ti Panagplano kadagiti Distrito ti Naipakasaritaan ken Negosio