Dua a temporario a bubon a mangmonitor iti danum iti uneg ti daga ti maipasdek iti Temporary Debris Storage site (TDS) sadiay Olowalu, kas paset ti panagkumit ti County of Maui ken US Army Corps of Engineers a mangsalaknib iti salun-at ti publiko ken aglawlaw bayat ti panagdalus iti uram iti kabakiran.

Mangikabil dagiti tripulante iti maysa a bubon nga agpangato (upgradient) ken maysa nga agpababa (downgradient) ti TDS a mabarolina nga agpababa agingga iti kangatuan a gubuayan ti danum iti uneg ti daga.

Nupay saan a manamnama dagiti epekto iti danum iti uneg ti daga, maipasdek dagiti bubon tapno ad-adda a mamonitor ti operasion ti TDS site. Manamnama a makolekta dagiti sample di nagbayag kalpasan a maipasdek dagiti bubon ken addan tiempo a agtalinaed. Agtultuloy a ma-sample dagiti temporario a bubon a mangmonitor iti danum iti uneg ti daga iti tunggal tallo a bulan, a gagangay kadagiti pasilidad ti panangtarawidwid iti basura.

Ti danum iti uneg ti daga iti daytoy a lugar ket saan nga agdama a maus-usar para iti inumen wenno irigasion, ken ti kaasitgan a bubon ti inumen a danum ket agarup a 1 a milia ti kaadayona.

Dagiti datos manipud iti panagala ti sample ket maibinglay agraman dagiti dadduma pay a datos ti aglawlaw (angin, leachate, kdpy.) iti https://mauirecovers.org/debris-containment .

Ti Bill 120, a nangipalubos iti intergovernmental agreement iti nagbaetan ti County of Maui ken State of Hawaiʻi Department of Land and Natural Resources para iti right-of-entry para iti TDS site, ket kalikagumanna a masapul a mausar ti kasayaatan a panagregget a mangsalaknib iti panagayus dagiti rugit wenno leachate manipud iti lugar ti TDS nga agturong iti taaw, agraman ti panangkontrol iti run-on ken run-off, panangmonitor iti pannakaduktal ti danum iti uneg ti daga, panangmonitor iti kalidad ti angin, . pananglapped iti polusion ti danum ti bagyo, panangmantener iti umdas a dokumentasion, panangidulin iti rekord ken nalawag a panangireport ti publiko kadagitoy a panagregget.

..