Ti online community survey nga inyusuat ti County of Maui Office of Recovery tapno makatulong a mangporma iti pannakabukel ti Lahaina Recovery Plan ket magun-od itan iti Hawaiian, Ilocano, Spanish, Tagalog ken Tongan. Magun-od ti surbey agingga iti Mayo 19, 2024, ken masarakan iti panid ti “Ola Lahaina” ti Maui Recovers iti https://mauirecovers.org/lahaina . I-click ti kahon iti ngato a kannawan tapno mapili ti kaykayat a pagsasao para iti surbey.

..
Nagkontrata ti County iti Anthology Research, maysa a kompania ti panagsirarak iti merkado idiay Hawai’i, a mangisayangkat iti surbey. Ti input a maawat ket saan a maipakaammo – awan ti pakabigbigan nga impormasion a maikonektar kadagiti sungbat dagiti makipaset. Agarup 10 a minuto ti panagleppas ti surbey.

Ti “Ola Lahaina” nga aramid ket inrugi ti County’s Office of Recovery ken agtartaray iti website ti Maui Recovers. Bayat nga agtultuloy dagiti panagregget iti panagsubli, agserbi ti “Ola Lahaina” a kas rekurso para iti publiko tapno agtalinaed a naammuan kadagiti in-person ken online engagement events, tapno makagun-od iti feedback manipud kadagiti dadduma a kameng ti komunidad ken tapno makatulong iti pannakadraft ti napaut a plano ti panagimbag ni Lahaina.