Iyebkas dagiti inheniero ti pannakaseknanda iti kasasaad ti estruktura

Dagiti estruktural a panangtingiting ti Pioneer Mill smokestack ket nangidokumento kadagiti pakaseknan maipapan iti kasasaadna, a nangtignay iti County of Maui Department of Public Works (DPW) a mangiserra iti Lahainaluna Road iti nagbaetan ti Honoapi’ilani Highway ken Kuhua Street, epektibo iti alas tres ti malem ita nga aldaw.

Bayat a napaliiw ti ebidensia ti cracking ken spalling iti aglawlaw ti base ti estruktura, kinuna ni DPW Director Jordan Molina nga awan ti umad-adani a pangta ti pannakarba ken maipatpatungpal ti pannakaserra ti kalsada kas precautionary safety measure.

“Awan ti makita nga ebidensia a naapektaran ti smokestack gapu iti pannakadadael ti uram, ngem ti mairekomendar nga aramid iti daytoy a tiempo ket ti panangipasdek iti exclusion zone a 1.5 a daras ti kangato ti torre, bayat a maaramid ti kanayonan nga structural evaluations,” kinuna ni Molina.

Naaramid ti smokestack idi 1928 ken 225 a pie ti katayagna.

Ti DPW ket makikoordinar iti makinkukua iti daga, ti Ka’anapali Land Management Corp., ken ti agpapaabang, ti Lahaina Restoration Foundation, tapno mangiskediul kadagiti kanayonan nga estruktural a panangtingiting ken mangaramid iti plano para iti panangmonitor iti kasasaad ti smokestack. Awan pay ti naipasdek a timeline iti daytoy a panawen.

Ad-adu pay nga impormasion ti mairuar inton magun-odan dayta.

..