Nupay awan pay ti naipaulog a bilin ti panagbakwit para iti Haleakala Crater Road Fire, agtultuloy a paregtaen ti Maui Emegency Management Agency dagiti umili -- iti ngato ti Kekaulike ken Haleakala highway iti nagbaetan ti Upper Kimo ken Waipoli roads -- nga agsagana para iti mabalin a panagbakwit ken mangmonitor kadagiti radio, TV ken mobile devices para iti opisial nga impormasion.

Ti uram iti Crater Road ket 10% a natengngel iti 410 nga ektaria agingga iti alas 6:15 itay bigat, Hulio 11, 2024, segun iti Maui Fire Department. Agtalinaed ti pokus para iti adu a tripulante iti daga ken eroplano iti panangpasardeng iti panagrang-ay nga agturong kadagiti pagtaengan ken panangibangon kadagiti linia ti panangkontrol.

Adu nga MFD ground units, estado Department of Land and Natural Resources Division of Forestry and Wildlife, National Parks firefighting crews, lima a dozer ken tallo nga helikopter ti agdama a sumungsungbat iti uram.

Nasapa a naiserra ti Crater Road iti Mile Marker 2 itay bigat babaen ti Maui Police Department. Naserraan ti Haleakala National Park ken Crater Road iti nagbaetan ti mile marker 8 ken 10 idi malem ti Hulio 10.

Amin dagiti agarup 150 agingga iti 200 a lugan iti ngato ti naapektaran a lugar ket nairuar iti natalged, naurnos a panagregget idi rabii. Awan pay ti naipadamag a nasugatan ken awan pay ti nadadael nga estruktura iti brush fire.

Nangipaulog ti MEMA iti impormasional a mensahe iti alas 3:04 ti bigat a mangidawat kadagiti residente kadagiti pagtaengan iti ngato ti Kekaulike ken Haleakala a haywey iti nagbaetan ti kalsada ti Upper Kimo ken Waipoli nga agsagana para iti mabalin a panagbakwit, ngem innayonna a maibilang ti sumaruno a mensahe para kadagiti panagbakwit, no kasapulan

Partially activated ti Emergency Operations Center ti MEMA idi alas 8:02 ti rabii ti Hulio 10 kas sungbat iti uram.