Dagiti umili ti Lahaina a naapektaran iti Agosto 8 Lahaina wildfire ket mabalinda ti makipaset iti espesial a naurnos a Remembrance Ride tapno kitaenda dagiti agtultuloy a panagregget a mangpaimbag para iti Ili ti Lahaina. Tallo nga aldaw a naarkila a bus nga inorganisar ti Kondado ken naurnos babaen ti Kuhinia Maui ket mangipaay kadagiti umili ti Lahaina iti gundaway a makakita iti agdama nga estado ken panagrang-ay ti panagsubli a napasamak iti ili ti Lahaina.

Masapul ti online reservations a nairanta para iti residente ti Lahaina, ta limitado ti tugaw. Naituding ti petsa ti Remembrance Ride inton Hulio 26-28 nga addaan iti lima a chartered motor coaches para iti tunggal aldaw. Tapno makapagrehistro wenno para iti ad-adu pay nga impormasion, mapan iti www.KuhiniaMaui.org . Masapul ti impormasion dagiti residente. Kas panagraem iti kiddaw ti komunidad iti sensibilidad ken dignidad, daytoy a pasamak ket nagserra iti media.

“Kayatmi nga ipaay dagiti umili ti gundaway a makakita a mismo iti panagrang-ay a naaramid tapno maisagana ti ilida para kadagiti sumaruno nga addang ti panagbangon manen,” kinuna ni Mayor Bissen. “Adda atiddog a dalan iti masanguanan, ngem napateg a maaddaan dagiti umili iti gundaway a mangsaksi iti panagrang-ay a mapaspasamak tapno maisubli ken maibangon manen ti pagtaenganda. Kayatko ti agyaman iti taga-Lahaina a da Laurie Lei DeGama ken Nestor Ugale, agpada a generational residents ti Lahaina, gapu iti panangikampiona iti daytoy a panagregget”.