Tapno makatulong iti agtultuloy a panagsubli dagiti lugar a naapektaran iti uram iti kabakiran ti Maui, ti County of Maui Department of Environmental Management ket agtartrabaho a makitinnulong iti Mālama Maui Nui tapno mangitukon iti libre a dedikado a Refrigerator and Freezer Collection Event. Ti pasamak ket nairanta laeng para kadagiti agtataeng iti lugar ti Lāhainā nga agnanaed iti uneg dagiti nainget a sona a naapektaran iti uram.

Bayat dagiti uram iti kabakiran, a nakaigapuan ti napaut a pannakapukaw ti koriente, adu a nakatakder a pagtaengan iti lugar ti Lāhainā ti nakapadas iti pannakadadael dagiti refrigerator ken freezer-da gapu kadagiti nadadael a taraon. Nairanta ti nasao nga aktibidad a tumulong kadagitoy nga apektado nga agtagikua iti pagtaengan babaen ti natalged a panang-recycle ken panangibelleng kadagiti nakompromiso a refrigerator ken freezer-da.

Tapno maawat ti libre a serbisio, dagiti maikari nga umili ket masapul nga ag-appointment iti website ti Mālama Maui Nui iti https://www.malamamauinui.org/gogreen.html . No ag-appointment, addaan dagiti residente iti dua a pagpilian para iti serbisio:

• 1) Mangiskediul iti appointment a mangibati iti appliance-da para iti panagkolekta inton Nobiembre 4, 2023, iti nagbaetan ti alas 8 ti bigat ken tengnga ti aldaw. Maited ti drop-off location ken address inton maiyeskediul ti appointment.

WENNO

• 2) Dagiti residente nga agkasapulan ti tulong iti item da ket mabalin nga mangiskediul ti special pick-up service tapno makolekta dagiti appliances manipud iti pagtaengan da inton Nobiembre 2 wenno 3.

Makiddaw kadagiti umili a siguraduenda a nadalus ken awan ti taraon ti amin a refrigerator ken freezer sakbay a makolekta, ta saan a makolekta dagiti appliances a saan a makasangpet kadagiti pagalagadan ti kinadalus.

Para iti ad-adu pay nga impormasion wenno tapno mangiskediul iti appointment, pangngaasiyo ta kitaenyo ti https://www.malamamauinui.org/gogreen.html wenno tawagan ti Mālama Maui Nui iti (808) 877–2524 .

Maipapan iti Departamento ti Panagmanehar ti Aglawlaw ti Kondado ti Maui
Ti Department of Environmental Management ti County of Maui ket mangikampania iti natalged a county babaen kadagiti komprehensibo nga estratehia ti panangtarawidwid iti aglawlaw, panagibelleng iti basura, programa ti panag-recycle, panangdalus iti narugit a danum, ken panangpreserba kadagiti natural a gameng ti islatayo. Agtaktakderkami iti abay dagiti naandur a komunidad a naapektaran kadagiti uram iti kabakiran. Sangsangkamaysa a panggepmi a papigsaen ti ay-ayatenmi a Maui babaen ti panagregget a mangpaimbag iti kākou.