Inpakaammo ni Mayor Richard Bissen a mainaig kadagiti naituding nga aktibidad inton Huebes, Agosto 8, 2024, kiniddawna a maisardeng amin a construction/utility work para kadagiti sumaganad a lugar:

• Amin a natalged a lugar ti burn zone

• Amin a dati a natalged a burn zone areas

• Amin a haywey ken by-pass a lugar iti nagbaetan ti Puʻukōliʻi Road ken Olowalu Store

• Amin a lugar a kabangibang dagiti agdama ken dati a natalged a burn zone

Ti trabaho nga ar-aramiden ti US Army Corps of Engineers (USACE) kadagiti interim a proyekto ti balay idiay Kilohana ken Kala’iola, ken dagiti mainaig a trabaho iti kalsada nga ar-aramiden ti State Department of Transportation, ket mapalubosan nga agtultuloy inton Agosto 8, 2024, gapu iti naganat a panagkasapulan iti balay para kadagiti nakalasat iti uram iti kabakiran.

Ti stop-work policyket naibatay kadagiti epekto ti mapaspasaran a nangato a trapiko para kadagiti aktibidad a panglaglagip, kasta met ti panangseguro kadagiti lugar gapu iti panagraem kadagidiay naapektaran iti uram iti kabakiran idi Agosto 8, 2023.

Kagiddan ti stop-work policy, saan a mapalubosan dagiti pannakabagi ti media iti access iti impact zone inton Huebes, Agosto 8, 2024. Dagiti residente nga addaan iti re-entry vehicles passes ket mapalubosan a sumarungkar iti sanikua da ngem makiddaw a notescort media iti zone inton 8 ^th . Mabalin a paneknekan dagiti checkpoint personnel nga amin a pasahero ket addaan iti direkta a koneksion iti sanikua a sarungkaran.

Para iti napabaro nga impormasion kadagiti panagtitipon ti Lawas ti Lagip nga iplanplano ti Kondado ti Maui babaen ti Kuhinia Maui, bisitaen ti https://www.KuhiniaMaui.org .