Kalpasan ti panagleppas ti recessed meeting ti Maui Planning Commission itay napalabas a Martes, sangsangkamaysa a nagbutos ti Komision a mangirekomendar iti pannakaampon ti naisingasing a bill ni Mayor Richard Bissen a mangikkat iti Transient Vacation Rentals kadagiti distrito ti Apartment. Ti Molokaʻi Planning Commission ket nagbutos a mangirekomendar ti panangampon idi Hulio 10, ken ti Lānaʻi Planning Commission ket nagbutos idi Hulio 17 tapno mangipatulod kadagiti rekomendasionna iti Konseho ti Kondado.

Innayon ti Maui Planning Commission dagiti rekomendasion tapno maikonsiderar dagiti epekto ti ekonomia ti singasing babaen ti panangusar iti panagadal ti University of Hawai’i Economic Research Organization; ikonsiderar dagiti epekto daytoy a singasing iti kagimongan, kultura, aglawlaw ken kalidad ti biag; ibilang ti panangilaksid kadagidiay a sanikua a naituding iti plano ti komunidad para iti panagusar iti hotel ken dagidiay a sanikua a dati a paset a nasonada iti hotel. Binigbig pay ti komision ti kasapulan ti inmediacy iti West Maui ken napagsasaritaan ti posibilidad a mabaliwan ti timeline ti phase-out agingga iti tallo a tawen iti South Maui.

Ti singasing a mangikkat iti nasurok a 7,100 nga ababa a panawen nga abang kadagiti distrito ti apartment iti Maui ket maisubmitir a kadua ti report ti Komision ken dagiti inrekomendar a pannakabalbaliw iti Konseho ti Kondado ti Maui para iti maudi a panagdesision, segun iti Departamento ti Panagplano ti Kondado ti Maui. Ti report ket mangiraman kadagiti rekomendasion manipud kadagiti Moloka'i ken Lānaʻi Planning Commissions.

Sumaganad nga addang:

Ti singasing ken report ket maiyallatiw iti Konseho iti saan a naladladaw ngem 120 nga aldaw kalpasan ti maudi a panagdengngeg ti publiko, nga inangay ti Maui Planning Commission Hulio 23, 2024. Ti Konseho ti Kondado ti Maui ket addaan iti maudi nga autoridad a mangaramid iti desision agraman ti panangipasa kadagiti pannakabalbaliw, panangipasa iti bill kas-is, wenno panangipila (panangbutos iti dayta).

Naggappuan:

Ti panagtitinnulong da Mayor Richard Bissen, Council Member Keani Rawlins-Fernandez ken ti grassroots advocacy group a Lahaina Strong, ti singasing a mangikkat iti nasurok a 7,100 nga ababa a panawen nga abang kadagiti distrito ti apartment, a pagaammo met kas Minatoya List TVRs, ket naiyam-ammo iti naurnos a panagregget a mangtaming iti nauneg a krisis ti balay idiay Maui County a kimmaro laeng sipud idi uram iti kabakiran ti Agosto 2023.

Para iti ad-adu pay nga impormasion, agraman dagiti estadistika ti ekonomia ken balay, bisitaen ti https://app.helpingmaui.org/data/minastats .