Maiparegta ti komunidad a mangammo iti ad-adu pay maipapan iti kasasaad ken proseso ti panagpili iti Permanent Disposal Site (PDS) para iti dapo ken rugit manipud iti uram iti kabakiran ti Lahaina iti miting ti County of Maui Disaster Recovery Community Update iti alas 5:30 ti malem Mierkoles, Enero 31, iti Lahaina Civic Center.

Ti miting ket iramanna ti presentasion ti County Department of Environmental Management iti proseso ti panangtingiting kadagiti pagpilian iti Permanent Disposal Site, ken impormasion maipapan iti surbey nga usaren ti County tapno ad-adda a maawatan dagiti pateg ti publiko ta mainaig daytoy no sadino ti permanente a pakaidulinan ti dapo ken rugit.

Ti input ti publiko ket mangaramid iti panagbalbaliw ken makatulong a mangiwanwan iti County of Maui iti panangaramid iti daytoy napateg a desision. Magun-od ti impormasion maipapan iti surbey ken ti proseso ti panagpili para iti Permanent Disposal Site iti www.mauirecovers.org .

Rinugian ti US Army Corps of Engineers ti panangikkat kadagiti rugit idiay Lahaina idi Enero 16 ken ibiahena dagiti rugit iti temporario a pagipempenan idiay Olowalu.

Bayat a maidulin ti dapo ken rugit iti temporary holding site idiay Olowalu, inkumit ni Mayor Richard Bissen a dina usaren ti Olowalu kas permanente a disposal site. Maikkat dagiti rugit iti temporary storage site inton mailasin ken maibangon ti permanente a lugar.