Maiparegta ti komunidad a mangammo iti ad-adu pay maipapan iti kasasaad ken proseso ti panagpili iti maudi a Permanent Disposal Site (PDS) para iti Lahaina wildfire ash ken debris iti County of Maui’s Weekly Disaster Recovery Community Update Meeting iti alas 5:30 ti malem Mierkoles, Pebrero 28 iti Lahaina Civic Center.

Ti miting ket mangiraman ti presentasion ti County Department of Environmental Management iti proseso ti panangtingiting iti maudi a PDS, ken no kasano a dagiti resulta dagiti nabiit pay a surbey ti komunidad ket nangiturong kadagiti opisial ti county iti panangpili iti maudi a lugar.

Nasurok a 2,700 a tattao iti las-ud ti dua a lawas ti nakipaset kadagiti surbey ti County of Maui kadagiti naisingasing a permanente a lugar a pagibellengan iti dapo ken rugit manipud Lahaina. Naidatag dagiti resulta dagiti surbey kadagiti kameng ti komunidad bayat ti Weekly Disaster Recovery Community Update meeting idi napan a rabii ti Mierkoles idiay Lahaina Civic Center. Magun-od dagiti resulta dagiti surbey ti komunidad iti www.mauirecovers.org/debriscontainment .

Manipud iti orihinal a listaan ti walo a lugar iti isla, ti input ti publiko ken dagiti opisial ti gobierno ket nangikissay kadagiti pagpilian kadagiti tallo a mabalin a maitutop a lokasion: ti lugar ti Central Maui Landfill a kabangibang ti agdama a pagibellengan ti Puʻunēnē idiay Sentral a Maui; maysa a parcel mauka ti barrio ti Wahikuli iti West Maui; ken maysa a lugar idiay Crater Village mauka ti parsela ti Wahikuli ken ti Lahaina Civic Center idiay West Maui.

Naibangon ti temporario a pagidulinan kadagiti rugit idiay Olowalu bayat a napili ken naibangon ti permanente a lugar. Nasken ti temporario a lugar tapno mapalaka ti natalged a pannakaikkat ti agarup 400,000 a yarda kubiko a dapo ken rugit ti uram iti kabakiran ti Lahaina agingga a maibangon ti permanente a lugar.

Dagiti opisial ti county ket orihinal nga inkeddengda ti Marso 1 kas ti target a petsa para iti panagpili iti PDS. Iti pannakakompleto dagiti surbey ti komunidad ken pannakarepaso dagiti naisingasing a lugar sakbay ti eskediul, maiparang ti impormasion maipapan iti maudi a panagpili iti Pebrero 28 Weekly Disaster Recovery Community Update Meeting.

Ti miting ket mai-livestream iti Facebook page ti County of Maui ken maibrodkas a sibibiag iti Akakū Maui Community Media iti Channel 53 ken maibrodkas manen iti Channel 54. Masarakan dagiti rekording dagiti napalabas a Lahaina Disaster Recovery Community Update Meetings iti Facebook page ti County of Maui.

Para iti ad-adu pay nga impormasion maipapan kadagiti panagregget a mangpaimbag, bisitaen ti www.mauirecovers.com .