Ti FEMA, agraman dagiti pederal a kasosyotayo, ket adda iti dalan a mangipaay iti agarup $3 bilion nga agturong iti pannakapaimbag ti uram iti kabakiran ti Maui. Ramanen daytoy ti nasurok a $1.3 bilion a naituding iti mision tapno mapapartak ti panagsubli babaen ti panangikkat ken panangibelleng kadagiti rugit, temporario a balay, panagibangon iti pagadalan, ken panangtarimaan iti imprastruktura.

Dagiti programa ti FEMA nga Individual Assistance ken Public Assistance ket mangsuporta kadagiti panagregget ti komunidad a naipamaysa iti napaut a panagimbag. Kas paset ti agtultuloy a panagkumit ti FEMA iti Maui, ti ahensia ket mangtangdan iti nasurok a 120 nga empleado a mangsuporta iti baro a naipasdek a Joint Recovery Office para iti Maui County a mangidaulo kadagiti panagregget.

Indibidual a Tulong

Agingga ita, inaprobaran ti FEMA ti nasurok a $56.1 milion tapno matulongan ti 7,141 a tattao nga agpaimbag babaen ti programa ti Individual Assistance, agraman ti nasurok a $33.8 milion para iti Tulong iti Balay ken nasurok a $22.2 milion para iti Tulong iti Dadduma a Kasapulan a direkta a nabayadan kadagiti nakalasat.

Tulong ti FEMA iti Panagpaabang

Ti Rental Assistance Program ti FEMA ket direkta a mangipaay iti kuarta kadagiti kualipikado a nakalasat tapno makasarakda iti bukodda a temporario a balay. Ginasut a pamilia ti mangus-usar iti programa a tulong iti panagabang. Nasurok a $37.3 milion ti naaprobaran para iti tulong iti panagabang manipud iti FEMA:

Direkta a Tulong iti Balay

Dagiti programa ti Direct Housing Assistance ti FEMA ket makasarak iti temporario a balay para kadagiti maikari a pamilia:

§ Iti sidong ti programa a Direct Lease , direkta nga abangan ti FEMA dagiti residensial a sanikua manipud kadagiti makinkukua iti sanikua para iti panagusar dagiti nakalasat. Baybayadan ti ahensia ti abang kadagiti makinkukua iti sanikua, ket maitukon dagiti yunit agingga iti 18 a bulan, wenno agingga iti Pebrero 2025 .

• Nasurok a $295 milion ti nagastos para iti programa a Direct Lease agingga ita. Babaen iti daytoy a programa, tinulongan ti FEMA ti nasurok a 1,200 a sangakabbalayan a mangbirok iti temporario a balay.

• Maysa a group housing site idiay Kilohana iti Maui ti naikeddeng a maileppas inton Oktubre 2024. Daytoy a site ket aglaon iti 169 a yunit para kadagiti kualipikado a nakalasat nga usaren para iti temporario a balay.
• Madama ti panagplano para kadagiti naaramid a balay kadagiti pribado a sanikua . Dagiti naaramid a housing unit ti mangipalubos kadagiti makinkukua iti pagtaengan nga agbiag iti sanikua bayat ti panangtarimaan iti pagtaenganda a nadadael gapu iti didigra.

Dagiti dadduma pay a serbisio a pinunduan ti FEMA para kadagiti umili ti Maui:

• Nasurok a $5 milion ti naipaay para iti Crisis Counseling.
• Nasurok a $17 milion ti naipaay para iti Disaster Case Management.
• Nasurok a $12 milion ti naipaay para iti Disaster Unemployment Assistance.
• Nasurok a $5,000 ti naipaay para iti Disaster Legal Services.

FEMA Tulong Publiko & Kritikal nga Imprastruktura

• Ti programa ti Public Assistance ti FEMA ket mangipaay ti kuarta kadagiti gobierno ti estado, tribu, teritorial ken lokal ken sumagmamano a kita ti pribado a non-profits tapno dagiti komunidad ket napardas a makasungbat ken makabangon manipud kadagiti dadakkel a didigra wenno emerhensia. Iti dagupna, nasurok a $700 milion ti obligado ti FEMA babaen ti programa ti Tulong ti Publiko.

• Nasurok a $473.5 milion nga obligado ti FEMA babaen ti Public Assistance Program for Emergency Work. Daytoy a trabaho ket maileppas a dagus kalpasan ti didigra tapno maisalakan ti biag, masalakniban ti salun-at ken kinatalged ti publiko, masalakniban ti napasayaat a sanikua wenno maikkat wenno maksayan ti dagus a pangta ti kanayonan a pannakadadael.
• Nasurok a $107 milion ti obligasion ti FEMA babaen ti Public Assistance Program para iti Permanente a Trabaho. Daytoy a trabaho ket ti pannakaisubli dagiti nadadael gapu iti didigra, dagiti pasilidad a kukua ti publiko ken dagiti pasilidad ti sumagmamano a Private Nonprofits.

• Nangipaay ti FEMA iti dandani $78 milion babaen kadagiti Mission Assignments tapno maibangon ti temporario a kampus para iti King Kamehameha III Elementary School. Nadadael ti pagadalan gapu iti uram iti Lahaina ken saanen a matarimaan. Daytoy a proyekto ket naituding iti USACE ket nangala iti 95 nga aldaw tapno maileppas. Ti kampus ket mairaman ti:

• 38 a pasdek.
• Air conditioning iti amin a siled-pagadalan.
• 30 a siled-pagadalan a makalaon iti agingga iti 650 nga estudiante.

Panangikkat kadagiti Rugit

Idi Agosto 2023, intuding ti mision ti FEMA ti USACE a mangisayangkat iti panangikkat kadagiti rugit kadagiti maikari a sanikua. Iti nasapa a paset, pinattapatta ti USACE a dagiti operasion a panangikkat kadagiti rugit ket mangala iti makatawen manipud iti tiempo a nangrugi ti trabaho a panangikkat kadagiti rugit; nalab-awandan ti amin a ninamnama ta nasaksakbay ti operasion. Kaaduan a pannakaikkat dagiti rugit ket malpas inton Disiembre 2024; manamnama a malpas ti debris removal operations inton Enero 2025.  

• Ti USACE ket naikkatna ti 98% kadagiti residensial a lote (1,374 manipud iti 1,399), a mangipalubos kadagiti makinkukua iti sanikua a mangrugi iti proseso ti panagbangon manen.  
• Naikkat ti USACE ti 42% kadagiti komersial a lote (76 kadagiti 159), a mangipalubos kadagiti negosio nga agplano para iti masakbayan.

Dadduma pay a panangikkat kadagiti rugit:

• Inikkat ken inbelleng ti US Coast Guard ti 98 a barko manipud iti sangladan (nakompleto ti mision idi Disiembre 2023).
• 3,080 a lugan a nadadael gapu iti uram ti naikkaten iti lugar a nauram ken nasayaat ti pannakaibellengda.  
• Kaduana ti US Environmental Protection Agency, nalpasen ti pannakaibelleng dagiti napeggad a materiales iti pagtaengan idi Disiembre 2023. sumagmamano a teksto
  • Nangaramid ti EPA kadagiti makabaro a teknik ti panangibelleng iti material ti bateria tapno maala ken maibelleng dagiti de koriente a lugan ken dagiti bateria ti Powerwall. Dagitoy a teknik ket mapatente a mausar kadagiti masanguanan a pasamak ti uram.
• Nakompleto ti EPA ti proseso ti panangsubok, panangsukimat, panangikkat, ken panangkapet kadagiti nadadael a sistema ti danum ken imburnal idiay Lahaina idi Hulio 17, 2024, a nanglukat iti dalan para iti Maui County a mangaramid kadagiti kasapulan a pannakatarimaan kadagitoy a sistema.  

Kanayonan a Pederal a Suporta:

• Manipud idi Agosto 8, nasurok a 350 a kameng ti FEMA ti nangsuporta iti daytoy a disaster operation.

· Nasurok a $396 milion ti inaprobaran ti US Small Business Administration a federal disaster loans para kadagiti negosio ti Hawai'I, nonprofits ken residente a naapektaran iti uram iti kabakiran ti Maui. Karaman iti dayta ti nasurok a $151.2 milion para kadagiti negosio ken nasurok a $244.7 milion kadagiti agtagikua iti pagtaengan ken agpapaabang tapno matulongan ida a mangbangon manen ken makabangon manipud iti didigra.

Dagiti Numero ti Umuna a Sungbat:

• Idi damo, ti FEMA ken ti American Red Cross ti nangkamang iti nasurok a 8,000 a nakalasat babaen ti emerhensia a pagkamangan.

o Nasurok a 1.5 a milion a taraon ti naidasar iti sidong ti programa ti pannangan a pinunduan ti FEMA kadagiti lugar ti emerhensia nga otel.

• Sinuportaran met ti FEMA ti saan a kongregasion a pagkamangan kadagiti hotel iti nasurok a 11 a bulan bayat a dagiti nakalasat iti didigra nakasarakda kadagiti napapaut a pagpilian iti balay.
• Adda 52,132 a dagup a panagbisita, agraman ti maulit-ulit a panagbisita, kadagiti Disaster Recovery Centers, a sadiay dagiti residente ket mabalinda ti makipagtrabaho a direkta iti FEMA ken dadduma pay a pederal nga empleado tapno matingiting dagiti kasapulanda, agparehistro para iti tulong, umawat iti in-person case management, ken makikonektar kadagiti boluntario nga ahensia para iti kanayonan a suporta.

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema . Mabalinmo pay ti makagun-od iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires .