Kas panagsagana iti Phase 2, a suportaran ti US Army Corps of Engineers (USACE) ti Maui County Consolidated Debris Removal Program, mangisayangkat ti USACE iti rabii a trabaho iti 18 a rabii (saan a karaman ti Krismas) iti temporario a debris containment site a maibangbangon idiay Olowalu. Mangrugi ti trabaho iti rabii, no ipalubos ti paniempo, inton Biernes, Dis. 22 manipud alas 6 ti malem agingga iti alas 6 ti bigat ken manamnama nga agleppas inton Huebes, Enero 11.

Maiskediul ti trabaho iti rabii tapno maksayan ti epekto dagiti wide-load truck iti trapiko iti aldaw. Dagiti wide-load truck ket mangitulod kadagiti dadakkel a rolio ti plastik a liner a maikabil iti temporary debris containment site. Ti trabaho a maaramid iti rabii iramanna ti panangisagana ken panang-welding iti liner; manamnama a mangpataud dayta iti sumagmamano nga arimbangaw ti lugan manipud kadagiti nadagsen nga alikamen, kasta met ti lawag manipud iti silaw iti jobsite.

Bayat ti Phase 1, inikkat ti US Environmental Protection Agency (EPA) dagiti napeggad a materiales iti pagtaengan manipud kadagiti sanikua, nga addaan iti sumagmamano a di madanon ken saan a natalged a sanikua a naitantan iti USACE.

Nasken ti pannakaibangon ti temporary containment site tapno makaawat kadagiti materiales a maikkat bayat ti Phase 2, a nadisenio a mangkissay kadagiti pangta iti salun-at ken kinatalged ti publiko. Ti Phase 2 debris removal ket mairaman ti dapo, rugit manipud kadagiti nauram nga estruktura, napeggad a materiales manipud kadagiti naitantan a sanikua, pundasion, materiales nga addaan iti asbestos, lugan, barko, kontaminado a daga ken rugit manipud kadagiti komersial ken residensial a sanikua.

Para iti ad-adu pay nga impormasion maipapan iti Consolidated Debris Removal Program, agraman dagiti aplikasion ti Right of Entry, bisitaen ti www.mauirecovers.org/debrisremoval .