Inpakaammo ti County of Maui nga adu nga ahensia ti County, State ken federal ti makipaset iti joint search and rescue exercise ita a lawas.

Maangay dagiti makita unay nga aktibidad inton Mierkoles, Marso 20 manipud alas 8:30 ti bigat agingga iti tengnga ti aldaw idiay Kīhei Boat Ramp ken iti danum iti baybay iti nagbaetan ti South Maui ken ti isla ti Lāna’i.

Sumagmamano a personnel, lugan, watercraft ken eroplano ti makiraman iti operational exercise iti taaw ti South Maui inton agsapa ti Mierkoles, ken dagiti aktibidad a makita ti publiko ket pakairamanan dagiti rescue boats ken watercraft a mabalin nga asideg iti takdang, low-flying aircraft, adu a helicopter, smoke markers ken flares.

Makiddaw iti publiko a liklikanda ti lugar ti Kīhei Boat Ramp ken agkedkedda nga umawag iti linya ti emerhensia a mangipatulod tapno agtalinaed a silulukat dagiti linia ti telepono para kadagiti aktual nga emerhensia.

Ti multi-agency tabletop ken operational exercise ket mapasamak iti tunggal dua a tawen iti las-ud ti dua nga aldaw, ken mairaman dagiti departamento ti Maui Fire ken Police, ti Maui County Ocean Safety division, ti State Department of Land and Natural Resources (DLNR) - Division of Boating and Ocean Recreation (DOBOR), ti US Coast Guard, American Medical Response (AMR ambulances ken EMTs) ken dadduma pay nga ahensia.

Panggep ti joint exercise ti makikoordinar ken mangipatungpal iti search and rescue support tapno masubok ti incident response, notification, communicaton ken on-scene management.