Napaatiddog ti pannakasuspende ti service disconnections para kadagiti amin a kustomer ti Hawaiian Electric iti Maui agingga iti di kumurang a Hulio 2, 2024, maibatay iti pannakapaatiddog ti emerhensia a proklamasion ni Gov. Josh Green. Saan a kasapulan a madanagan dagiti kustomer ti Maui a makarit iti pinansial gapu kadagiti makadadael nga uram iti kabakiran maipapan iti mabalin a pannakadiskonekta ti serbisioda iti koriente.

Daytoy ket mangpalawa ti disconnection moratorium a dati a naikeddeng nga agpatingga inton Mayo 4. Asinoman a kustomer ti Maui nga umaw-awat kadagiti pangta ti dagus a pannakadiskonekta malaksid no maaramid ti bayad bayat daytoy a panawen ket rumbeng nga ibilangda ti pangta a maysa a scam. Depende iti masanguanan a kasasaad, mabalin a mapaatiddog daytoy naisangsangayan a panawen ti tulong.

Uray no moratorium dagiti disconnection, maidagadag kadagiti kustomer a maipasango iti pinansial a rigat nga umawag iti Hawaiian Electric iti (808) 871-9777 isu a mabalin a maurnos dagiti pagpilian ken eskediul ti panagbayad tapno makatulong a mangtaginayon a makontrol dagiti bayad. Bayat a dagiti kustomer ti responsable pay laeng a mangbayad kadagiti bayadanda iti koriente, makipagtrabaho ti Hawaiian Electric kadagiti kustomer ti Maui tapno agbirok kadagiti kasayaatan a pagpilian a maibagay kadagiti indibidual a kasapulanda.

Bisitaen ti hawaiianelectric.com/paymentarrangement para iti listaan dagiti plano ken tapno mangisubmitir iti porma ti panagkiddaw iti urnos ti panagbayad. Ti panangkumpleto iti porma ti kapartakan a pamay-an tapno mairugi ti proseso. Mailaksid dagiti late fees ken interest charges bayat nga adda iti plano ti panagbayad.

Paliiwenyo ta saan laeng a dagiti pagpilian iti espesial nga urnos ti panagbayad a nailista iti website. Mabalin a makipagtrabaho dagiti pannakabagi ti kompania kadagiti kustomer tapno maibagay ti plano kadagiti indibidual a badyet.

Para iti tulong a mangimaton kadagiti gastos iti enerhia, ti Hawaiʻi Energy ket mapagtalkan a rekurso para kadagiti tip ken rebate tapno makatulong a mangbalanse kadagiti gastos dagiti alikamen ken serbisio a makasalbar iti enerhia. Bisitaen ti https://hawaiienergy.com/tips para iti ad-adu pay nga impormasion.