Mangsangaili ni Mayor Richard Bissen iti agsasaruno a talk story sessions para kadagiti residente ti Kula ken Lahaina a naapektaran iti uram idi Agosto 8 ^th . Maangay dagiti sesion para kadagiti babassit a grupo tapno mangitukon iti panawen para kadagiti makipaset a mangibinglay iti mana'o ken agsaludsod.

“Segseggaak ti makipagkita kadagiti umili iti mas impormal a kasasaad,” kinuna ni Mayor Bissen. “Dagiti linawas a mitingmi iti komunidad idiay Kula ken Lahaina ket mangted kadagiti regular nga update maipapan iti panagrang-aytayo iti panagserrek manen ken panangikkat kadagiti rugit ken mangitukon iti gundaway a makisarita kadagiti umili kalpasan a maited dagiti update. Babaen ti pananginayon kadagitoy a sesion, makaitukonkami iti maysa pay a pamay-an tapno matulongan dagidiay agtarigagay iti basbassit a grupo a setting tapno agsarita ken agsaludsod.”

Tapno tumabuno iti maysa kadagiti naikeddeng a sesion, mabalin nga agparehistro dagiti residente online iti www.mauirecovers.org/events wenno tumawag iti (808) 270-7855 ken dumawat iti tulong iti panagrehistro para iti sesion ti Talk Story.