Ita nga aldaw ti opisial a pannakairuar ti programa ti grant ti Maui Business Bridge, maysa a panagtitinnulong ti Kondado ti Maui, Estado ti Hawai'i, Maui Economic Opportunity (MEO), Credit Unions ti Maui ken Maui Economic Development Board (MEDB).

Naparsua ti Bridge grant program tapno mangipaay iti napateg a tulong kadagiti negosio idiay Maui a nakapadas iti direkta ken saan a direkta nga epekto dagiti makadadael nga uram iti kabakiran ti Maui idi Agosto 2023.

Luana Mahi, Director ti County of Maui Office of Economic Development, impaganetgetna ti pibotal nga akem dagiti babassit a negosio iti ekonomia ti Maui. “Dagiti babassit a negosio ti duri ti komunidadtayo, a mangmangged kadagiti residente ken mangsuporta iti kinasiglatna,” kinunana. “Iti maipasango kadagiti karit manipud kadagiti uram iti kabakiran ken panagbaba ti ekonomia, daytoy a programa ti Bridge grant ket addaan iti napateg nga akem iti panangtulong kadagiti negosio bayat dagitoy a narigat a panawen.”

Tapno maikarida iti pondo, dagiti makinkukua iti negosio ket masapul a makaragpat kadagiti sumaganad a pagalagadan:

• Iggem ti aktibo a lisensia ti panagrehistro a naipasdek sakbay ti Agosto 1, 2023, iti Hawai'i Department of Commerce and Consumer Affairs (DCCA).
• Agtagikua iti aktibo a Hawai'i GET ID (General Excise Tax ID).
• Mangted ti kopia ti nabiit pay a Hawai'i GET filing a napetsaan iti nagbaetan ti Agosto 31, 2022, ken Hulio 31, 2023, nga addaan iti kaykayat a 2022 a tinawen a G-49 filing.

Saan a maikari dagiti rental property income landlords/businesses iti daytoy a gundaway a pondo.

Tapno makaaplay iti programa ti Maui Business Bridge Grant, bisitaen ti https://mauibusinessbridgegrants.org/.

Dagiti grant ket manipud $1,000 agingga iti $20,000, a ti naituding nga ahensia a mangproseso iti grant ket naikeddeng babaen ti gross annual income ti aplikante para iti 2022 a tawen ti panagbuis wenno ti extrapolation ti kaudian a General Excise Tax (GET) filing period para kadagiti negosio a naipasdek iti kurang a maysa a tawen.

Amin a negosio ti Maui ket agaplikar babaen ti maysa nga application portal.

Ti MEO ket mangimaton kadagiti grant para kadagiti negosio nga addaan iti tinawen a kita manipud $0 agingga iti $300,000; Credit Unions ti Maui manipud $300,001 agingga iti $599,999; ken MEDB manipud $600,000 ken nasursurok. Tunggal ahensia a mangproseso iti grant ket addaan karbengan a mangipasdek kadagiti kanayonan a pagalagadan ti pannakakualipika, kasapulan ti dokumento, restriksion iti pondo ken kasapulan nga aktibidad ti grant.