Kalpasan ti panangpirma ni Gobernador Josh Green iti maika ^- 11 nga emerhensia a proklamasion a mainaig kadagiti uram iti kabakiran, a napirmaan a nagbalin a linteg idi Mayo 3, 2024, ti maysa nga akinkukua iti daga a kayatna a pagpatinggaen ti panagpaabang sakbay ti epektibo a petsa ket mabalinna laeng nga aramiden dayta gapu iti dua a rason, ken masapul nga agisubmitir iti napirmaan nga affidavit iti County of Maui Department of Housing and Human Concerns, Housing Division.

Ti akinkukua iti balay nga umakar iti yunit, wenno umakar iti asideg a kameng ti pamilia iti yunit, ket mabalin nga agkiddaw iti pannakailaksid. Ti akinkukua iti balay a mangilaklako iti yunit iti bona fide a gumatang nga addaan iti kontrata ti panaglako ket mabalin met nga agkiddaw iti pannakailaksid tapno isardeng ti panagpaabang. Agpada a kasapulan a kumpletuen ken pirmaan ti akinkukua ti balay ti sworn affidavit a mangibaga iti rason ti nasapa a pannakaikkat. Masapul a maisubmitir ti orihinal a kopia ti affidavit iti Housing Division iti isu met laeng a tiempo a maipakaammo iti agpapaabang ti tignay.

No mapasamak nga agpatingga ti residential lease, saan a kasapulan a pabaruen dagiti akinkukua iti balay ti lease iti sidong ti emerhensia a proklamasion.

Para iti kopia ti kasapulan nga affidavit, wenno tapno makita ti instruction sheet para iti panangpunno iti affidavit, bisitaen ti https://www.mauicounty.gov/251/Housing-Division wenno tawagan ti (808) 270-7351.