Mangisayangkat ti County of Maui Office of Recovery ken Department of Planning ti Lahaina Town South Neighborhood Planning Workshop para kadagiti umili iti lugar inton Sabado, Hunio 15, 2024 manipud alas 3 agingga alas 5:30 ti malem iti kapeteria ti Lahainaluna High School, a masarakan iti 980 Lahainaluna Road sadiay Lahaina.

Lumakad dagiti ruangan iti alas 2:30 ti malem Maited dagiti merienda ken aktibidad dagiti ubbing.

Ti Lahaina Town South workshop ket mangtaming ti lugar iti abagatan ti Lahainaluna Road ken kangrunaan a makai ti Honoapiʻilani Highway, a mairaman ti Shark Pit ken Puamana.

Ti workshop ket maysa a gundaway para kadagiti residente a mangibinglay kadagiti kapanunotanda kadagiti topiko nga espesipiko iti lugar kadagiti staff ti county. Makatulong ti workshop tapno masigurado nga ammo dagiti residente dagiti pagpilian para iti sangakaarrubaanda ken ammo ti county dagiti kaykayat ti komunidad ken iramanna dagitoy iti plano ti panagsubli.

Gapu iti limitado a paradaan, mairekomendar unay ti panag-carpool. Maireserba ti paradaan nga asideg iti lugar para kadagidiay agkasapulan iti tulong iti panaggunay.

Magun-odto dagiti agipatarus iti pagsasao nga Ilocano, Espaniol, ken Tongano babaen ti panagkiddaw. Masapul a maaramid dagiti kiddaw inton alas 10 ti bigat ti Huebes, Hunio 13. Tapno agkiddaw iti interpreter, ag-email iti fema-dr4724-interpreter-request@fema.dhs.gov wenno ag-text iti (510) 316-3643 .

Daytoyto ti maikapat ti Kondado kadagiti lima a workshop iti panagplano iti sangakaarrubaan. Naangay dagiti napalabas a workshop para kadagiti residente ti Kelawea Mauka, Wahikuli ken Lahaina Town North a kaarrubada. Ti maudi a workshop inton Hunio 29 ket mangtaming kadagiti Historic ken Business Districts.

Dagiti workshop ket paset ti pannakipaset ti komunidad para iti napaut a plano ti panagimbag para iti Lahaina. Ti panggep ti pannakipaset ti komunidad ket makitinnulong kadagiti kameng ti komunidad iti sirmatada para iti panagimbag, a mangiturong iti napaut a plano ti panagsubli dagiti proyekto a mangtaming kadagiti pannakadadael a napasamak manipud iti uram. Ti plano ti panagsubli ket iramanna dagiti plano, proyekto ken pondo, ken mangiwanwan iti panagsubli iti natalged ken naandur a wagas.

Para kadagiti saludsod, pangngaasiyo ta ag-emailkayo iti olalahaina@mauicounty.gov wenno tawagan ti Department of Planning Long Range Division iti (808) 270-7214 .

..