Mangangay ti County of Maui Office of Recovery ken Department of Planning iti planning workshop para kadagiti Lahaina Town Historic and Business Districts inton Sabado, Hunio 29, 2024, manipud alas 3 agingga iti alas 5:30 ti malem iti kapeteria ti Lahainaluna High School, a masarakan iti 980 Lahainaluna Road.

Lumakad dagiti ruangan iti alas 2:30 ti malem Maited dagiti merienda ken aktibidad dagiti ubbing.

Ti workshop ket mangtaming ti puso ti historiko ken komersial a lugar ti ili ti Lahaina, kangrunaan a makai ti Honoapiʻilani Highway.

Ti workshop ket maysa a gundaway para kadagiti umili ti Lahaina ken dagiti kameng ti komunidad iti pangkaaduan a mangibinglay kadagiti kapanunotanda iti masakbayan daytoy a lugar. Makatulong ti feedback ti komunidad a naurnong iti workshop a mangipakaammo iti pannakapataud ti napaut a plano ti panagimbag para iti Lahaina. Ti maysa a draft recovery plan ket nairanta a mairuar iti publiko inton otonio ken ti maudi a plano inton ngudo ti 2024.

Gapu iti limitado a paradaan, mairekomendar unay ti panag-carpool. Maireserba ti paradaan nga asideg iti lugar para kadagidiay agkasapulan iti tulong iti panaggunay.

Mabalinen a kiddaw dagiti agipatarus iti pagsasao para iti Ilocano, Espaniol ken Tongan. Masapul a maaramid dagiti kiddaw inton alas 10 ti bigat ti Huebes, Hunio 27. Tapno agkiddaw iti interpreter, ag-email iti fema-dr4724-interpreter-request@fema.dhs.gov wenno ag-text iti (510) 316-3643.

Daytoyto ti maikalima ken maudi a workshop ti panagplano iti sangakaarrubaan ti Kondado. Naangay dagiti napalabas a workshop para kadagiti residente iti kaarrubaan ti Kelawea Mauka, Wahikuli, Lahaina Town North, ken Lahaina Town South.

Dagiti napalabas a workshop ket magun-od para iti panagbuya iti online iti mauirecovers.org/Lahaina .

Dagiti workshop ket paset ti panagregget ti pannakipaset ti komunidad para iti napaut a plano ti panagimbag para iti Lahaina, a pakairamanan ti pannakitinnulong kadagiti kameng ti komunidad iti sirmatada para iti panagimbag manipud iti uram. Ti plano ti panagsubli ket iramanna dagiti proyekto, programa, timeline, ken dagiti mabalin a gubuayan ti pondo ken mangiwanwan iti panagsubli iti natalged ken naandur a wagas.

Para kadagiti saludsod, pangngaasiyo ta ag-emailkayo iti olalahaina@mauicounty.gov wenno tawagan ti Office of Recovery iti (808) 270-7214.