Iti kiddaw dagiti residente ti Upcountry a tumabuno iti umuna a Kula Disaster Recovery Community Update Meeting ita a Huebes, umakar ti aldaw para kadagiti linawas a miting iti Martes nga addaan iti isu met laeng nga oras ken lokasion, segun iti anunsio ita nga aldaw ni Mayor Richard Bissen.

Maangay itan ti linawas a Disaster Recovery Community Update Meetings para kadagiti umili ti Kula a naapektaran iti uram iti kabakiran iti Agosto iti alas 6 ti malem ti Martes iti kapeteria ti Kula Elementary School.

Agtultuloy dagiti miting iti linawas bayat ti panagrang-ay ti panagdalus kadagiti rugit; dagiti sesion ket mangsaklaw iti panagrang-ay, eskediul ken gagangay a saludsod ti komunidad.

Iti panangipalubos ti mayor, ti miting ket mangangay kadagiti pannakabagi manipud kadagiti ahensia ti county, estado ken pederal a mabalin a mangsungbat kadagiti saludsod ken mangitukon kadagiti materiales nga impormasion.

Ma-live-stream ken ma-archive ti Disaster Recovery Community Update Meetings iti Facebook page ti County of Maui.

Nangrugi dagiti Disaster Recovery Community Update Meetings para kadagiti residente ti Lahaina idi Nobiembre 8, 2023, ken linawas a maangay iti alas 5:30 ti malem ti Mierkoles idiay Lahaina Civic Center.

..