Maysa a Panagkaykaysa Manen ti mensahe da Lahaina ken Kula kadagiti Animal Fire Survivors:

Ginasut nga ayup (kaaduanna ket pusa ngem dadduma pay) ti nakalasat kadagiti uram idiay Lahaina ken Kula ken naaladan kadagiti lugar a nauram. Adu, adu kadagitoy ti ay-ayaten nga ay-ayam dagiti nakalasat iti uram, a naipagarup a napukaw iti agnanayon. Nasurok unay a 500 a pusa (ken sumagmamano a dadduma pay nga animal) ti naala ken nasalinong ti Maui Humane Society ken dadduma pay a panangispal kadagiti animal, ket kaaduan ti agur-uray pay laeng iti panagkaykaysa manen kadagiti pamiliada. Tulongandakami koma a mangipakaammo iti sao maipapan iti kaaddada tapno makasarakda iti dalanda nga agsubli kadagiti ohanasda.

Nasurok a 150 a pusa ken dandani 50 nga aso ti naikaykaysa manen kadagiti pamiliada. Iti adu a kaso, nakigtot dagiti tattao idi naawatda ti tawag a nasarakan ti animalda – gapu iti pannakadadael dagiti uram nga impagarupda a nadadael dagiti animalda. Adu a tattao ti nakapadas saan laeng a ladingit, no di ket nakaam-amak a pannakabasol a dida naispal dagiti animalda iti umiso a tiempo ken dida pulos pinadas a biroken ida.

Nakalkaldaang ta gapu ta adu unay nga animal ti talaga a napukaw ti biagda a kadua dagiti tattao a napukaw kadagiti uram, adda dagiti proklamasion a naaramid kadagiti immuna nga aldaw kalpasan ti Agosto 8th nga awan ti nabati a sibibiag idiay Lahaina. Ammotayo itan a di umiso dayta, ngem awan pay ti nasaknap a panangkorehir ti publiko agingga ita.

Naimpusuan a namnamami nga iti daytoy a panawen ti tawen, inton agtataripnongkami amin a mangrambak ken kasta met a mangliwliwa kadagiti agladladingit ken dagiti naidestiero, a matulonganyokami a mangipakaammo a ginasut a pusa ti agur-uray iti Maui Humane Society ken dadduma pay a lokal a rescue tapno makipagkaykaysada manen kadagiti pamiliada.

Pangngaasiyo ta kitaenyo daytoy a flyer a mangiraman kadagiti numero ti telepono ken silpo agpadpada iti Maui Humane Society ken iti database ti Lahaina Lost & Found Animal (LFLFA), a sadiay dagiti tattao ket mabalinda a kitaen dagiti retrato agpadpada dagiti napukaw ken nasarakan nga ayup ken agsapul kadagiti bukodda nga ay-ayam. Mabalin a mastrek ti database iti mobile phone wenno aniaman a sabali nga alikamen ti kompiuter ken interamente a libre – awan ti kasapulan a panag-sign in.

Pangngaasiyo ta tulongandakami a posible a mangyeg iti sumagmamano a rag-o iti uray maysa laeng kadagiti tattao a nakapukaw iti kasta unay ita a tawen. Agyamankami unay iti panawen ken konsiderasionyo.

..