Pinirmaan ita nga aldaw ni Governor Josh Green, MD, ti Tenth Emergency Proclamation Relating to Wildfires (EP), a naglaon kadagiti pannakabalbaliw manipud kadagiti napalabas a bersion a nairanta a mangpaadu iti kaadda ti makabael a balay para kadagiti umili ti Maui, nangruna dagiti naidestiero gapu iti makapapatay ken makadidigra nga uram iti kabakiran idi Agosto 8, 2023.

Adtoy dagiti nakadkadlaw a panagbalbaliw:

• Ikkatenna ti price freezes para iti amin a commodities malaksid iti panagabang kadagiti residential dwellings.
• Tapno masigurado ti agtultuloy a pinansial a kinabiag dagiti proyekto a makabael a balay iti Maui, mangipaay iti pannakailaksid manipud iti pannakayelo ti presio kadagiti abang dagiti pagtaengan para kadagiti proyekto a makabael a balay a maipaulog kadagiti regulatory agreements a mainaig iti panagngato ti abang (kas pagarigan, dagiti proyekto a makabael a balay ket mabalin a mangpaadu iti abang a maitunos kadagiti regulatory agreements-da).
• Baliwanna ti pannakasuspende ti kapitulo 6E tapno maipalubos ti pannakaibangon ti temporario a balay para kadagiti naidestiero a biktima babaen ti pananganamong ti State Historic Preservation Division.
• Suspendenna ti section 467-7, HRS, tapno dagiti operator ti temporary lodging a kukua ti estado para kadagiti naidestiero a biktima ken dagidiay tumultulong iti wildfire recovery ket saan a kasapulan ti lisensia ti real estate.
• Suspendenna dagiti section 37-77 ken 662-11, HRS, tapno mapalubosan ti Attorney General a mangrisut kadagiti claims babaen ti One ʻOhana Fund nga awan ti lehislatibo a pananganamong.

“Ti nakaro a pannakapukaw ti rinibu a pagtaengan gapu kadagiti uram ti nangpakaro iti sigud a di mataginayon a kinakirang ti balay ti Maui,” kinuna ni Gobernador Green. “Agprogresokami nga agturong iti pagtaengan dagiti naidestiero a pamilia ken indibidualmi idiay Maui ken daytoy baro nga EP ket makatulong a makastrek kadakuada kadagiti napaut, natalged a pagtaengan iti umuna a gundaway sipud idi Agosto.”

“Sibibileg a patienmi a nasayaat ti pakabuklan nga estratehiami a manglikmut iti One ʻOhana Fund. Mabalintayo ti inggagara maipapan iti pannakausar dagiti ramittayo iti panangtarawidwid iti pinansial, a mangted kadatayo iti kapasidad a mangtaming iti bang-ar nga ituktukontayo kadagidiay napukawan iti ay-ayaten wenno nakaro ti pannakadangran ken mabalin a naospital gapu kadagiti uram,” kinuna ni Gobernador Green.

Naikapet ti kopia ti naipatungpal nga EP ken maipaskil iti panid ti Emergency Proclamations iti website ti Gobernador .