Mangangay ti County of Maui kadagiti focus groups para kadagiti makinkukua iti sanikua ti Kuhua/Mill Camp tapno pagsasaritaan dagiti topiko a mainaig iti panagbangon manen iti lugar.

Maangay dagiti sesion ti focus group iti Office of Recovery-West Maui a masarakan iti Lahaina Gateway, 325 Keawe St., Suite 102B (asideg iti Ace Hardware). Dagiti grupo ket mangtaming kadagiti impormasion ti kalsada ken panagbangon manen, dagiti agdama a proyekto, dagiti tignay a mabalin nga aramiden dagiti makinkukua ita, ken Q&A.

Limitado dagiti focus groups iti 15 a makipaset iti tunggal sesion. Mabalin nga agpirma dagiti makinkukua iti sanikua para iti maysa kadagiti tallo a sesion:

• Huebes, Agosto 1, alas 5:30 agingga iti alas 7:30 ti malem
• Sabado, Agosto 3, alas 10 ti bigat agingga iti tengnga ti aldaw
• Sabado, Agosto 3, alas 2 agingga alas 4 ti malem
  

Ad-adu pay a focus group ti maiyeskediul, no kasapulan.

Tapno agpirma, bisitaen ti https://www.mauirecovers.org/events .

..