Nalpas ti pannakaikkat dagiti rugit ken dapo iti maika ^- 100 a residensial a sanikua iti Lahaina Wildfire Disaster Area idi Mierkoles, 30 nga aldaw kalpasan a nangrugi ti trabaho idiay Lahaina.

Ti US Army Corps of Engineers, a naituding babaen ti Federal Emergency Management Agency a mangileppas iti Phase 2 a panangikkat kadagiti rugit, ket nangrugi iti panangikkat kadagiti sanikua idiay Lahaina idi Enero 16, 2024. Dayta ket simmaruno iti pannakaileppas ti panangikkat kadagiti rugit manipud iti 25 a sanikua idiay Kula idi Enero 19, 2024.

“Apresiarenmi dagiti kasosyotayo iti pederal ken komunidad a nagtrabaho a sipipinget tapno mapapartak ti pannakaikkat dagiti rugit idiay Lahaina,” kinuna ni Mayor Richard Bissen. “Daytoy ket kritikal nga addang iti panangyakar kadagiti nakalasat iti maysa nga addang nga umasideg iti panagsubli iti sanikuada tapno makabangon manen.”

Dagiti rugit ken dapo manipud kadagiti sanikua ti Lahaina ket maibiahe iti temporario a disposal site idiay Olowalu. Kas sungbat kadagiti pakaseknan ti komunidad, inkumit ni Mayor Bissen a dina usaren ti Olowalu para iti permanente a disposal site. Maikkat dagiti rugit ken dapo manipud iti temporario a pagipempenan manipud Olowalu apaman a mapili ken maibangon ti permanente a lugar.

Tallo a lokasion – dua iti West Maui ken maysa iti Central Maui – ti maikonsiderar para iti Permanent Disposal Site. Makiddaw kadagiti umili ti Maui a bisitaenda ti www.mauirecovers.org/feedback tapno makipaset iti surbey ti komunidad a makatulong a mangiwanwan iti panagpili iti maudi a site. Agserra ti surbey inton Huebes, Pebrero 15.

Para iti ad-adu pay nga impormasion, bisitaen ti www.mauirecovers.org .