Plano ti FEMA ti mangipaulog iti pakaammo ti publiko ken Draft Environmental Assessment a mangsapsapul iti input iti planona a mangpadur-as iti 36-acre a lugar idiay Fleming Road iti Maui, a pakaibangonan dagiti temporario a modular homes a pagyanan dagiti indibidual ken pamilia a naidestiero gapu iti uram iti kabakiran idi Agosto.

Magun-od ti pakaammo ti publiko ken Draft Environmental Assessment mangrugi inton Marso 8 ken mangted iti publiko iti pito nga aldaw, nga agpatingga inton Marso 15 , tapno repasuen ken agkomento iti naisingasing a plano ti FEMA.

Maipaskil ti pakaammo iti panid ti didigra ti Hawaiʻi ti FEMA iti www.fema.gov/disaster/4724 . Magun-odto dagiti nayimprenta a kopia a makita wenno ma-photocopy iti Disaster Recovery Center iti Lahaina Civic Center Gymnasium, 1840 Honoapi'ilani Highway iti Lahaina iti Maui.

Dagiti uram iti kabakiran iti Maui Agosto 8 ti nangikkat iti nasurok a 8,000 a tattao manipud kadagiti pagtaenganda. Agarup dua a kakatlo dayta iti populasion ti Lahaina sakbay ti didigra. Inaprobaran ti presidente ti deklarasion ti dakkel a didigra idi Agosto 10, a mangipalubos iti FEMA a mangipaay iti direkta a suporta kadagiti nakalasat iti sidong ti Individuals and Households Program-na ken agbayad kadagiti imprastruktura a nadadael gapu iti didigra.

Mabalakadan ti pakaammo ti publiko ti panggep ti FEMA a mangpadur-as iti 36-acre a temporario a lugar ti balay ti grupo iti Fleming Road idiay West Maui, iti amianan laeng ti Keawe Street ken ti Lahaina Bypass ken abagatan a daya ti Fleming Road. Ti lugar, a pakaikabilan ti 169 a modular homes, ket nairanta nga ag-operate agingga iti 18 a bulan ken mapaatiddog depende iti kasapulan ti didigra.

Insagana ti FEMA ti draft environmental assessment para iti naisingasing a lugar, a nanggupgop iti panggep ken kasapulan ti proyekto, ti proseso ti panagpili iti lugar, dagiti alternatibo a naikonsiderar, ken dagiti mabalin a pagbanagan ti proyekto iti aglawlaw. Daytoy ket mangtingiting kadagiti mabalin nga epekto ti naisingasing a panagbangon iti natauan ken natural nga aglawlaw.

Mabalin a maikoreo dagiti naisurat a komento ti publiko iti: FEMA Region IX EHP, 1111 Broadway, Suite 1200, Oakland, CA 94607-4052 . No ag-email, iraman ti “Fleming Road Temporary Group Housing Site” iti subject line ken ipatulod daytoy iti: fema-rix-ehp-documents@fema.dhs.gov .

Dagiti substantibo a komento ket maiturong iti Maudi a Panagsukima ti Aglawlaw/Panagbirok iti Awan ti Napateg nga Epekto , a maipaskil iti pagidulinan ti National Environmental Policy Act ti FEMA.

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema . Mabalinmo pay ti makagun-od iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires .