Itampokna ti State of Hawaii Insurance Commissioner ken dadduma pay a top agency officials, mairugi dagiti miting ti komunidad a mangipaay iti disaster recovery updates idiay Lahaina ita a bulan babaen ti interim leader ti county ti Maui Emergency Management Agency a ni Darryl Oliveira.

Mangrugi iti alas 5:30 ti malem Nobiembre 8, 2023 ken agtultuloy iti Mierkoles agingga iti Nobiembre 29, 2023, idiay Lahaina Civic Center, dagiti uppat a Disaster Recovery Community Update Meetings ket idauluan ni Oliveira, a mangipaay kadagiti re-entry updates, progreso, iskediul ken gagangay a saludsod ti komunidad.

Agsao ni Gordon Ito, ti state insurance commissioner, agraman ni Cory Koger, kemiko ti US Army Corps of Engineers ken eksperto iti debris subject matter, kadagiti miting.

Dagiti dadduma pay nga ahensia a mangiparang iti impormasion maipapan kadagiti kangrunaan a topiko ti panagimbag ket mairaman ti US Environmental Protection Agency ken ti Department of Health ti estado.

Maiparparegta kadagiti nakalasat iti uram iti Lahaina ken dadduma pay a kameng ti publiko a tumabuno kadagiti in-person meetings tapno makagun-od iti kabaruan nga impormasion.

“Agtultuloy ti panagtrabaho a sipipinget dagiti kasosyotayo iti county, state ken federal tapno masigurado ti panagdur-as ti iseserrek manen ken panagsubli iti wagas a natalged, naintiempuan ken naasi,” kinuna ni Mayor Richard Bissen. “Mahalo kadagiti nakalasat ken residentetayo iti uram idiay Lahaina gapu iti anus ken determinasionda bayat nga agtultuloytayo a sangsangkamaysa a mangibiahe kadagitoy a di pay pulos nakita a karit iti panagimbag ken iseserrek manen.”

Maitukon dagiti lamisaan nga addaan kadagiti pannakabagi ti ahensia ken dagiti materiales nga impormasion.

Ma-live-stream ken ma-archive ti Disaster Recovery Community Update Meetings iti Facebook page ti County of Maui.

..