Inruar ti Department of Health (DOH) dagiti natakuatan ti lead screening a naaramid iti agsasaruno nga events ti komunidad iti nagbaetan ti Disiembre 2023 ken Pebrero 2024, kadagiti tattao a naapektaran iti uram iti kabakiran ti Maui. Nagtitinnulong ti DOH Public Health Nurses ken Healthy Mothers Healthy Babies Coalition of Hawaii (HMHB) iti nasao a proyekto. Bayat a ti dapo ti uram iti kabakiran ket naglaon iti dakkel a konsentrasion ti lead, dagiti resulta ti panangeksamen dida ipamatmat ti ebidensia ti nasaknap a pannakaisarang ti tao kadagiti sabidong iti dapo.

“Nupay makadadael dagiti epekto ti uram iti kabakiran idi Agosto 8 iti komunidad, makapatalged a maammuan a saan nga ipakpakita dagiti tattao iti komunidad ti nangato a lebel ti lead iti dara,” kinuna ni State Health Director a ni Dr. Kenneth Fink. “Maibatay kadagitoy a resulta nga addaan iti lead kas mangipamatmat iti pannakaisarang, dimi namnamaen a masarakan dagiti epekto iti salun-at a patauden dagiti sabidong iti dapo ti uram iti kabakiran.”

Naggappuan

Ti lead ket maysa kadagiti nadagsen a metal a pakaseknan a masarakan iti dakkel a konsentrasion iti dapo manipud iti Agosto 2023 nga uram ti Maui. Ti nangato a pannakaisarang iti lead ket makasabidong kadagiti tattao, ket mairekomendar ti gagangay a panangsukimat iti lead kadagiti populasion nga addaan iti dakkel a peggad . Malaksid iti dapo ti uram iti kabakiran, dagiti gubuayan ti pannakaisarang iti lead ket mabalin a pakairamanan ti pintura a nakabase iti lead, produkto ti konsumidor, ken sumagmamano nga aglawlaw ken paglinglingayan iti trabaho.

Ti US Centers for Disease Control (CDC) ket nangikeddeng iti Blood Lead Reference Value (BLRV) a 3.5 micrograms iti kada deciliter (μg/dL) tapno mailasin dagiti ubbing nga addaan iti blood lead levels (BLL) a nangatngato ngem iti kaaduan nga ubbing. Para kadagiti nataengan, ti programa ti CDC nga Adult Blood Lead Epidemiology and Surveillance ket mangikeddeng iti BLL a 5 μg/dL wenno nasursurok pay kas kasapulan ti panagsiput.

Gapu ta in-inut a maikkat ti lead iti bagi, makatulong met ti panangsubok iti lead kas mangipamatmat iti mabalin a pannakaisarang iti dapo ti uram iti kabakiran. Ti nangato a BLL ket mabalin wenno saan a gapu iti pannakaisarang iti dapo ti uram iti kabakiran, ta mabalin nga adda dadduma pay a gubuayan ti lead iti aglawlaw. Nupay kasta, ti normal wenno nababbaba ngem normal a BLL ket mangipaay iti pammatalged a saan a napasamak ti dakkel a pannakaisarang iti dapo.  

Para iti daytoy a proyekto, nasurok a 550 a tattao ti na-screen para iti pannakaisarang iti lead babaen kadagiti nars ti salun-at ti publiko ti DOH ken dagiti empleado ti HMHB iti 15 nga events ti komunidad, agraman ti Kula ken Lahaina Community Meetings, maysa a DOH lead testing event iti Princess Nāhiʻenaʻena Elementary School, University of Hawaiʻi’s Maui Wildfire Exposure Study (MauiWES) recruitment events ken maysa nga first responder event. Ti panag-screen ket naibatay iti sample ti dara a naala manipud iti finger-stick ken natingiting babaen ti panangusar kadagiti makina a Meridian Bioscience LeadCare II. Bayat a nalaklaka nga ipaay daytoy a pamay-an, nainaig daytoy iti nangato nga insidente dagiti palso-positibo a resulta, isu a no ti resulta ti panagsukimat ket nangipamatmat iti BLL a 3.3 ug/dL wenno nasursurok pay, dagiti nakipaset ket naparegta a makagun-od iti maikadua a panagsukimat babaen ti panangusar iti ad-adda nga umiso, ngem ad-adda a makasair, a sample ti dara ti urat para iti pammatalged.

Dagiti resulta

Agdagup iti 557 nga umili ti West Maui ti na-screen para iti lead. Kadagita, 27 (4.8%) ti addaan iti lead detections iti 3.3 ug/dL wenno dakdakkel babaen ti panangusar iti LeadCare II screening method. Kadagiti 27 a tattao nga addaan iti positibo nga screening test, 20 ti nakaawat kadagiti recommend confirmatory venous tests, a 15 kadagitoy ti saan a nasarakan kalpasanna nga addaan iti nangato a BLL ken naikeddeng nga addaan iti palso a positibo nga screening test. Dagiti 5 a nasarakan nga addaan iti nakumpirmaan a lead detections ket addaan iti levels manipud 2.1 agingga iti 5 ug/dL. Saan nga ammo ti dadduma pay a mabalin a gubuayan ti pannakaisarang kadagitoy a 5. Depende no kasano a dagiti positibo nga screening tests nga awan ti confirmatory venous tests ket factored, dagiti napasingkedan a lead detection rates iti ballasiw daytoy a populasion ket manipud iti 0.9% agingga iti 2.2%, kayatna a sawen a saan a naduktalan ti nangato a lead level iti 97.8%-99.1% kadagidiay addaan iti potential ash exposure a na-screen.

Ti nababa unay a panagsaknap ti nangato a lead, a naitipon iti nababa a lebel ti lead iti dara a naduktalan, ket mangipaay iti nangato a lebel ti pammatalged nga iti lebel ti populasion dagiti uram iti kabakiran ti Maui ket saan a nagresulta iti klinikal a naisangsangayan a pannakaisarang kadagiti kontaminado iti dapo. Maibatay kadagitoy a natakuatan, saan a mairekomendar ti panangi-screen iti sapasap a populasion nga addaan iti potensial a pannakaisarang iti dapo ti uram iti kabakiran para kadagiti sabidong a nailasin iti dapo.

No maipapan nangnangruna iti lead, in-inut nga ikkaten ti bagi dayta no maliklikan ti agtultuloy a pannakaisarang.

Para kadagiti grupo a nangnangruna nga agpegpeggad kadagiti makadangran nga epekto ti lead, kas kadagiti masikog a babbai ken ubbing, mairekomendar ti panagsarita iti panangeksamen iti lead iti maysa a mangipapaay iti panangtaripato iti salun-at iti gagangay a panagbisita.

Ad-adu pay nga impormasion iti daytoy a panagadal ket masarakan iti DOH Lead Screening Report - Mayo 2024 .