Kalpasan ti dua a lawas a panagsardeng, ituloy manen ti Kondado ti linawas a Lahaina Disaster Recovery Community Update Meetings-na inton Mierkoles, Pebrero 21 nga addaan iti dua a kangrunaan a topiko a naitampok: dagiti update iti surbey ti komunidad ti Permanent Disposal Site ken impormasion ti cesspool. Maangay ti miting iti alas 5:30 ti malem idiay Lahaina Civic Center ken mai-livestream iti Facebook page ti County of Maui.

Ibinglay ti Kondado ti input nga inawat ti publiko iti las-ud ti 16 nga aldaw manipud iti surbey ti komunidad a nagsapul iti input ti publiko kadagiti lokasion a maikonsiderar para iti maudi a disposal site para iti napattapatta nga 400,000 a tonelada a dapo ken rugit nga inikkat ti US Army Corps of Engineers manipud Lahaina. Nasurok a 2,300 nga umili ti nakaturpos iti surbey nga inaramid ti Kondado.

Maysa a pannakabagi manipud iti Departamento ti Salun-at ti Estado ti mangidatag met kadagiti update ti impormasion maipapan kadagiti cesspool ken maysa nga aramid maipapan iti panagadal iti salun-at a makitinnulong iti University of Hawaii.

Para iti ad-adu pay nga impormasion maipapan kadagiti panagregget iti panagimbag, mapan iti www.mauirecovers.com. Masarakan dagiti rekording dagiti napalabas a Lahaina Community Update Meetings a nangrugi idi Nobiembre iti Facebook page ti County of Maui.