Mangangay ti County of Maui iti dua nga informational workshops iti proseso ti Right-of-Entry (ROE) tapno matulongan dagiti residential ken commercial owners a napukaw dagiti sanikua ti Lahaina gapu iti uram iti kabakiran idi Agosto. Nasken ti proseso ti ROE para iti pannakipaset iti programa a panangikkat kadagiti napeggad a rugit nga isponsor ti gobierno.

Maangay dagiti sesion manipud alas 3 agingga alas 5:30 ti malem agpadpada iti Sabado, Enero 13, ken Sabado, Enero 27, 2024, iti kapeteria ti Lahainaluna High School, 980 Lahainaluna Road, Lahaina.

Dagiti workshop ket mangitampok kadagiti presentasion dagiti opisial ti County of Maui ken US Army Corps of Engineers (USACE), agraman dagiti eksperto iti komunidad, a mangitukon kadagiti napateg nga impormasion maipapan iti proseso ti panagdalus kadagiti rugit ti uram, dagiti pagpilian a magun-od para kadagiti makinkukua iti residensial ken komersial a sanikua ken gundaway nga agsaludsod.

Dagiti topiko ken presenter ket:

• Apay a naseguro ti pagpilian ti panagdalus nga inisponsoran ti gobierno ken no kasano ti agpirma - Erin Wade, County of Maui Department of Management
• No ania ti ramanen ti mision a panagdalus iti rugit ken no kaano a mangrugi - Dr. Cory Koger, USACE
• Kasano ken kaano a mairaman ti Army Corps kadagiti didigra - Col. Jess Curry, USACE
• No ania dagiti kasapulan ti FEMA/Army Corps para iti pannakapreserba ti pakasaritaan ken pannakasalaknib ti kultura - Jesse Pa'ahana, USACE
• No kasano nga agtrabaho dagiti arkeolohiko ken kultural a monitor iti tay-ak - Tanya Lee-Greig, ʻĀina Arkeolohia

Ti adyenda ket:
..
3 - 3:45 pm: presentasion ti impormasion
3:45 – 4 pm: ababa a panagsardeng
4 - 5:30 pm: Q&A ken break-out tapno makaala ti indibidual nga tulong ti ROE

Makiddaw kadagiti makipaset nga ag-RSVP babaen ti Eventbrite babaen ti panangi-klik ditoy wenno panagbisita iti https://www.eventbrite.com/e/fire-debris-removal-right-of-entry-workshop-tickets-793757168057?aff=oddtdtcreator .

Para iti ad-adu pay nga impormasion maipapan iti proseso ti panagdalus kadagiti napeggad a rugit ken dagiti aplikasion ti ROE, pangngaasiyo ta bisitaenyo ti https://www.mauirecovers.org/debrisremoval#about .