Dagiti opisial manipud iti County of Maui ken manipud kadagiti pederal nga ahensia ket mangitukon iti impormasion ken update maipapan iti panangikkat kadagiti rugit, panangibiahe ken pananglapped kadagiti rugit ken dapo para kadagiti sanikua iti Lahaina Wildfire Disaster Area bayat ti miting ti komunidad iti alas 5:30 ti malem ti Lunes, Dis. 18, idiay Lahaina Civic Center.

Ti pannakaikkat ti dapo ken naaprobaran a materiales a nadadael gapu iti uram manipud iti pribado a sanikua ket paset ti Phase 2. Mapasamak ti Phase 1 no ikkaten ti US Environmental Protection Agency (EPA) dagiti napeggad a materiales dagiti pintura, solvent, lana, bateria ken pestisidio manipud kadagiti sanikua. Kinuna ti EPA a nakompletona ti panangikkat kadagiti napeggad a materiales idiay Lahaina manipud iti 1,374 a residensial ken 74 a komersial a sanikua idi Nob. 22. Naitantan ti nabati a 173 a sanikua gapu kadagiti pisikal a kasasaad a nanglapped iti natalged a pannakagun-od kadagiti sanikua.

Amin a 83 a sona iti Lahaina impact area ket linuktan manen para iti iseserrek manen dagiti umili sakbay ti eskediul idi Martes, Dis. 12.

Ti US Army Corps of Engineers ket intuding ti Federal Emergency Management Agency a mangileppas iti panangikkat kadagiti rugit.

Dagiti makinkukua iti sanikua a mangkompleto kadagiti aplikasion ti right-of-entry (ROE) a mangipalubos iti Army Corps a makastrek iti sanikua ket maaddaanto kadagiti rugit nga ikkaten ti Army Corps nga awan ti magastos iti bulsada iti labes ti aniaman a gunggona ti seguro a naituding para iti pannakaikkat dagiti rugit iti polisia ti homeowner’s-da. No awan ti ROE access, ti maysa nga agtagikua iti pagtaengan ti responsable iti gastos iti panangikkat kadagiti rugit iti sanikua ken panangtungpal iti kasapulan a natalged a pannakaibelleng.

Ti miting inton Lunes, Dis. 18, ket mai-livestream iti Facebook page ti County of Maui.