Impablaak ti County of Maui Office of Economic Development (OED) ita a lawas dagiti natakuatan ti surbeyna iti Maui Business Health Check. Naaramid manipud Enero agingga iti Pebrero 2024, ti surbey ket nakagun-od kadagiti sungbat manipud iti 290 a negosio, a nangsilnag kadagiti karit kalpasan ti uram iti kabakiran a sangsanguen ti komunidad ti negosio ti Maui ken nangitukon kadagiti pannakaawat para iti panagrang-ay.

Mabalin a kitaen ti naan-anay a report iti www.mauinuistrong.info/feedback (kitaen ti “Maui Business Health Check” iti baba ti “Past Activities”).

Inrugi ti OED, ti Maui Business Health Check survey ket panggepna ti mangurnong iti feedback manipud kadagiti negosio a direkta ken saan a direkta nga apektado ti uram iti kabakiran idi Agosto 2023. Ti panggep ket tapno mapasayaat ti naun-uneg a pannakaawat kadagiti lapped a masabet dagiti negosio ken tapno maitudo dagiti lugar a kasapulan ti suporta ken rekurso.

Kadagiti dagup a 290 a nakipaset iti surbey,106 a negosio ket naggapu idiay Lahaina, a mangibagi iti nadumaduma a sakop dagiti industria. Karaman kadagiti kangrunaan a sektor ti turismo ken hospitality (27.6%); panagtagilako (22.8%); taraon ken inumen (14.5%); ken arte, kultura ken paglinglingayan (11.4%).

Dagiti kangrunaan a natakuatan ket mairaman ti:

• Kadagidiay nakipaset iti surbey, 52.4% ti nangipadamag nga awan ti panagbalbaliw ti lokasion ti negosioda, 27.8% ti agdama nga awanan iti pisikal nga espasio ken 19.8% ti nagbalbaliw.
• Dagiti kangrunaan a rason ti panagakar dagiti negosio ket: napukaw ti pasdek gapu iti uram (75%), saan a makabael a panagpaabang (8.9%) ken pannakadadael ti uram/kasapulan a mapabaro (3.6%).
• Manipud iti 290 a negosio, 37.6% ti mangtingiting pay laeng iti epekto dagiti uram iti kabakiran kadagiti planoda iti negosio, idinto a 36.2% ti dakkel ti panagkissayda ngem planoda ti mangbangon manen iti Maui.
• Iti pinansial, 43.8% kadagiti negosio ti nangiladawan iti bagbagida kas “kritikal, iti suporta iti biag,” a 3.1% laeng ti nangipadamag a “naindaklan ti ar-aramidenda, naindaklan ti riknada.”
• Nasurok a kagudua kadagiti negosio ti naipasango kadagiti karit iti panangtaginayon wenno panangawat kadagiti empleado, a nagbanag iti 1,936 a pannakapukaw ti trabaho.
• Sumagmamano a negosio ti nakabalin a nangpalawa ken nangtangdan kadagiti baro nga empleado, nga addaan iti 788 a natangdanan sipud idi uram iti kabakiran.
• Kaaduan a negosio ti Lahaina ket nangiyebkas ti tarigagayda nga agtalinaed idiay Laud a Maui, a nangipaganetget ti panagkasapulan kadagiti madanon nga espasio ti opisina ken dagiti makatulong nga aglawlaw para iti panagpataray ti negosio.

Nagbibinninglay pay dagiti negosio iti feedback kadagiti nadumaduma a topiko manipud iti commercial leases, financial assistance, buis, marketing, komunikasion, imprastruktura ken panagbangon manen.

Luana Mahi, OED director, nagyaman kadagiti negosio gapu iti pannakipasetda iti surbey. “Naimpusuan a mahalo kadagiti negosio a nakatulong iti daytoy napateg a surbey ti Maui Health Check,” kinunana. “Dagiti uram iti kabakiran ti nangporma manen iti operasion ti adu a lokal a negosio, ket dagiti surbey a kas iti daytoy ket makatulong iti panangtulong kadagiti maseknan iti County ken komunidad a nasaysayaat ti pannakaawatda iti epektona. Ti panangbigbig kadagiti agdama a kasapulan dagiti negosiotayo ken panangabrasa iti feedbackda para kadagiti mabalin a solusion ket napateg nga addang iti panangparang-ay kadagiti panagregget ti islatayo a mangpaimbag ita ken iti masanguanan.”

Para iti ad-adu pay a rekurso ti OED para kadagiti lokal a negosio, bisitaen ti website ti Kondado www.mauinuistrong.info .