Inpakaammo ti County of Maui Department of Environmental Management’s (DEM) Wastewater Reclamation Division a binaliwanda ti Sewer Service Status manipud iti “nalabaga,” a mangipasimudaag nga awan ti agdama nga aktibo a serbisio ti imburnal ti maysa a sanikua, agingga iti “berde,” kayatna a sawen nga aktibo ti serbisio ti imburnal para iti maysa a sanikua, kadagiti sumaganad a lugar:

• 10 a Parsela iti Kuhua Street
• 21 Parsela iti Limahana Place
  ..

Dagiti tripulante ti WWRD ket nabiit pay a nakompletoda ti trabaho a panagtarimaan ti linya ti imburnal iti asideg ti 530 Lahainaluna Road ken agtrabahodanto iti panagtarimaan ti linya ti imburnal bayat ti sumaganad a dua a lawas kadagiti sumaganad a lugar:

• Iti ruar ti Pauoa Street iti asideg ti driveway ti daan a Kaunoa Senior Center
• Iti sango ti 914 Kuhua St.
  ..

"Agtartrabahokami a sipipinget a mangtarimaan kadagiti nadadael a linia ti imburnalmi tapno maka-activatekami iti ad-adu pay a sewer service zones, a mangipalubos iti ad-adu pay nga umilimi a mang-populate manen kadagiti na-clear a loteda," kinuna ni Shayne Agawa, Director ti Department of Environmental Management. “Apresiarenmi ti anus dagiti umilimi."

..
Nadadael ti dadduma nga impraestruktura ti narugit a danum bayat dagiti uram, a nangputed iti serbisio ti narugit a danum para iti adu a sanikua kadagiti lugar a naapektaran iti uram. Tapno maammuan no ti serbisio ti narugit a danum para iti pagtaengan wenno negosioyo ket naapektaran, pangngaasiyo ta bisitaenyo ti mauirecovers.org/wastewater ken i-type ti adresyo iti search bar iti interaktibo a mapa ti County of Maui Sewer Service Status.

..
Pangngaasiyo ta laglagipenyo, mabalin a nagbaliw ti dadduma a lugar manipud “nalabaga” agingga iti “abuabu” iti daytoy a mapa, kayatna a sawen a ti Wastewater Reclamation Divison ket nangilasin kadagitoy a lugar a saan a sewered parcel. No ti sanikua ket namarkaan iti abuabu, kayatna a sawen a masapul a makikonektaka iti imburnal ti Kondado no planom a bangonen manen ken pagnaedan ti sanikua.
Padpadaanan ti DEM ti agtultuloy a panangbalbaliw kadagiti lugar idiay Lahaina a naapektaran iti uram iti kabakiran idi Agosto 2023 kadagiti sumaganad a lawas ken bulan. No adda saludsodyo maipapan iti kasasaad ti imburnal iti sanikua, tawagan ti Wastewater Reclamation Division iti (808) 270-7417.