Inpakaammo ti County of Maui Department of Environmental Management’s (DEM) Wastewater Reclamation Division a binaliwanda ti Sewer Service Status manipud iti “nalabaga,” a mangipasimudaag nga awan ti agdama nga aktibo a serbisio ti imburnal ti maysa a sanikua, agingga iti “berde,” kayatna a sawen nga aktibo ti serbisio ti imburnal para iti maysa a sanikua, kadagiti sumaganad a lugar:

• Lugar nga asideg ti Puʻunoa Place ken Ala Moana Street iti asideg ti Jodo Mission
• Lugar Abagatan ti Lahainaluna Road iti asideg ti Kalsada Paunau

Immuna nga inwaragawag ni DEM Director Shayne Agawa dagiti updates idi Mierkoles, Hulio 17, iti Weekly Disaster Recovery Community Update Meeting idiay Lahaina Civic Center.

Nadadael ti dadduma nga impraestruktura ti narugit a danum bayat dagiti uram, a nangputed iti serbisio ti narugit a danum para iti adu a sanikua kadagiti lugar a naapektaran iti uram. Tapno maammuan no maapektaran ti serbisio ti narugit a danum para iti pagtaengan wenno negosioyo, pangngaasiyo ta bisitaenyo ti mauirecovers.org/wastewater ken i-type ti adresyo iti search bar iti interaktibo a mapa ti County of Maui Sewer Service Status.

Padpadaanan ti DEM ti agtultuloy a panangbalbaliw kadagiti lugar idiay Lahaina a naapektaran iti uram iti kabakiran idi Agosto 2023 kadagiti sumaganad a lawas ken bulan. Para kadagiti saludsod maipapan iti kasasaad ti imburnal, pangngaasiyo ta tawaganyo ti Wastewater Reclamation Division iti (808) 270-7417 .

Dagiti pammataudan

Slides ti County of Maui Sewer Service Status changes a naiparang iti miting ti komunidad idi rabii ti Mierkoles

..