Inyanunsio ti County of Maui Department of Environmental Management’s (DEM) Wastewater Reclamation Division a binaliwanna ti Sewer Service Status manipud iti “nalabaga,” a mangipasimudaag nga awan ti agdama nga aktibo a serbisio ti imburnal ti maysa a sanikua, agingga iti “berde,” kayatna a sawen nga aktibo ti serbisio ti imburnal, para iti 32 a sanikua kadagiti sumaganad a lugar:

• 19 a lote iti asideg ti Aki Street ken Lui Street
• 13 a lote iti asideg ti Paeohi Street ken Hauola Place

Aktibo ti serbisio ti imburnal para kadagiti lote manipud Enero 21, 2025. Inpakaammo ni DEM Director Shayne Agawa dagiti updates iti Lahaina Community Webinar idi Enero 22, 2025.

Nadadael ti dadduma nga impraestruktura ti narugit a danum bayat dagiti uram, a nangputed iti serbisio ti narugit a danum para iti adu a sanikua kadagiti lugar a naapektaran iti uram. Tapno maammuan no ti serbisio ti narugit a danum para iti pagtaengan wenno negosioyo ket naapektaran, pangngaasiyo ta bisitaenyo ti https://mauirecovers.org/wastewater ken i-type ti adresyo iti search bar iti interaktibo a mapa ti County of Maui Sewer Service Status. Para kadagiti saludsod maipapan iti kasasaad ti imburnal, tawagan ti Wastewater Reclamation Division iti (808) 270-7417.

Padpadaanan ti DEM ti agtultuloy a panangbalbaliw kadagiti lugar idiay Lahaina a naapektaran iti uram iti kabakiran idi Agosto 2023 kadagiti sumaganad a lawas ken bulan.

..