Inpakaammo ti County of Maui Department of Environmental Management’s (DEM) Wastewater Reclamation Division a binaliwanna ti Sewer Service Status manipud iti “nalabaga,” a mangipasimudaag nga awan ti agdama nga aktibo a serbisio ti imburnal ti maysa a sanikua, agingga iti “berde,” kayatna a sawen nga aktibo ti serbisio ti imburnal para iti 15 a sanikua, kadagiti sumaganad a lugar:

• Maysa a lote iti Kaili Place
• Innem a lote iti asideg ti Kopili Street ken Kuhua Street
• Walo a lote iti asideg ti Malolo Place ken Ainakea Road

Aktibo ti serbisio ti imburnal para kadagiti lote manipud idi Nobiembre 6, 2024. Inpakaammo ni DEM Director Shayne Agawa dagiti updates iti linawas a miting ti Disaster Recovery Community Update idiay Lahaina idi Nob.6.

Nadadael ti dadduma nga impraestruktura ti narugit a danum bayat dagiti uram, a nangputed iti serbisio ti narugit a danum para iti adu a sanikua kadagiti lugar a naapektaran iti uram. Tapno maammuan no maapektaran ti serbisio ti narugit a danum para iti pagtaengan wenno negosio, bisitaen ti https://mauirecovers.org/wastewater ken i-type ti adresmo iti search bar iti interaktibo a mapa ti County of Maui Sewer Service Status.

Padpadaanan ti DEM ti agtultuloy a panangbalbaliw kadagiti lugar idiay Lahaina a naapektaran iti uram iti kabakiran idi Agosto 2023 kadagiti sumaganad a lawas ken bulan. Para kadagiti saludsod maipapan iti kasasaad ti imburnal, pangngaasiyo ta tawaganyo ti Wastewater Reclamation Division iti (808) 270-7417.

..