Dagiti umili ti COFA a naapektaran iti uram iti kabakiran idi Agosto 8 ken napigsa nga angin iti Maui ket awan pay dua a lawas ti panagaplayda iti tulong ti FEMA iti didigra para kadagiti mainaig a pannakapukawda.

Agpatingga ti panawen ti aplikasion para kadagiti umili ti COFA inton Biernes, Mayo 31 .

Naipauneg dagiti pederal a benepisio kadagiti umili ti COFA nga agnanaed iti Maui idi pinirmaan ni Presidente Biden ti Compact of Free Association Amendments Act of 2024. Karaman kadagiti maikari nga agaplikar para iti Individuals and Households Program ti FEMA ket dagiti umili ti Republika ti Palau, ti Federated States of Micronesia ken ti Republic of the Marshall Islands.

Tapno makaaplay, dagiti umili ti COFA ket umawag koma iti 808-784-1952 wenno bisitaen ti Lahaina Disaster Recovery Center iti Hyatt Regency Maui Resort and Spa, 200 Nohea Kai Drive. Silulukat dagiti linia ti telepono iti alas 8 ti bigat agingga alas 4 ti malem HST Lunes agingga iti Biernes; 8 ti bigat agingga alas 2 ti malem HST Sabado; agserra iti Domingo.

Mabalin met nga umawag dagiti nakalasat nga agur-uray a maikabil kadagiti yunit a maitukon iti sidong ti programa ti FEMA a Direct Lease
808-784-1600 ti panagkitana. Bay-am ti siam a digit a numero ti panagrehistro ti FEMA ken numero ti telepono a pakasaritaam, ket isubli ti maysa a caseworker ti tawagmo iti uneg ti 24 nga oras.

Ti tulong ti FEMA ket mabalin a mangtaming iti nadumaduma a kasapulan a mainaig iti nakaro a didigra agraman ti temporario a balay ken pannakasukat dagiti nasken a personal a sanikua no ti pannakadadael ket saan a sakupen ti seguro. Saklawenna pay dagiti gastos iti pumpon, medikal, dental, moving-and-storage ken panangaywan iti ubing a mainaig iti didigra.

Mangitukon pay ti FEMA iti pinansial a tulong para iti pannakagun-od a pakairamanan ti suporta para kadagiti rampa, barandilias ken dadduma pay a panagbalbaliw tapno masigurado a madanon ti pagnanaedam.

Saan a mabuis dagiti grant ti FEMA, saan a kasapulan a mabayadan, ken saan nga apektaran ti pannakakualipika para iti Social Security, Medicaid wenno dadduma pay a pederal a benepisio.

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema . Mabalinmo pay ti mangala iti impormasion maipapan iti tulong iti didigra manipud iti US Small Business Administration ken i-download ti aplikasion iti sba.gov/hawaii-wildfires .