Bayat dagiti panagpasiar a naipaltiing iti komunidad, a sinuportaran ti County of Maui a maawagan iti Remembrance Rides, dandani 600 nga umili ti Lahaina idi napan a ngudo ti lawas ti nangbisita manen iti ay-ayatenda nga ili ti Lahaina iti umuna a gundaway sipud idi makadadael nga uram iti kabakiran.

Ti Remembrance Rides ti nangipasimudaag iti panangrugi dagiti panagtitipon a sinuportaran ti Kuhinia Maui, County para kadagiti umili a mangtanda iti maysa a tawen kalpasan ti Agosto 8, 2023, nga uram iti kabakiran. Agtultuloy ti Kuhinia Maui iti siam a panagtitipon ti komunidad manipud Agosto 8 agingga iti 11, 2024, kadagiti lokasion ti West Maui, Upcountry ken Central Maui para kadagiti umili nga agtitipon a mangsuporta iti maysa ken maysa.

Kinuna ti taga-Lahaina a ni Trixy Nuesca-Ganer, a napukaw ti manongna ken amin a sanikuana iti uram iti kabakiran ti Lahaina idi Agosto 2023, a dandani saan a timmabuno kadagiti residente laeng a panagmaneho ti County nga agturong iti ili ti Lahaina iti ngudo ti lawas.

“Diak pulos kayat nga aminen iti bagik nga awanen ti ilik,” kinunana. “Makitam dagiti video, makitam dagiti ladawan dagiti tattao, ngem saan a talaga a mangikabil iti lansa iti lungon agingga a makitam a mismo. No napanak, masapul a talaga nga aminek nga awanen ti amin nga ammok.”

Ita, sumagmamano nga aldaw kalpasan nga inkeddengna ti makipaset iti Remembrance Rides, kinuna ni Nuesca-Ganer a kangrunaan a paset daytoy iti pannakaagasna – ken gundaway nga umabante.

“Diak makasao para iti sabali no di ti bagik ken ti balasangko,” kinunana. “Saankami pay a linasat ti ili sipud idi napan a tawen. Nalabes ngem nasayaat dayta. Naimas unay ti pannakaaramidna, ket ibagak kadakayo no pagarupek a saan. Nadayaw unay manipud rugi agingga iti ngudo. Para kaniak, mangrugin ti pannakaagasko -- nangruna nga umay agingga iti Agosto 8th.”

“Panawenen tapno palubosan,” innayon ni Nuesca-Ganer. “Panawenen tapno palubosan. Ket mangbangon manen iti no ania ti mabalin a pagbalinanna.”

Ti County’s Remembrance Rides ket nairaman ti 15 a panagbiahe ti bus para iti 590 nga umili ti Lahaina manipud iti Lahaina Civic Center babaen ti ili ti Lahaina ken agsubli iti Biernes, Hulio 26, agingga iti Domingo, Hulio 28. Tunggal 50-pasahero a panagbiahe iti bus ket nairaman ti maysa a mamalbalakad iti panagleddaang a nakasakay ken nangrugi iti pule manipud iti maysa nga organisasion ti pammati iti West Maui.

Nangipasdek dagiti organisador ti Kuhinia Maui iti lugar a paginanaan iti Lahaina Civic Center a maawagan iti “The Garden,” maysa a lugar a paginanaan dagiti nakipaset a nangitukon kadagiti refreshment, grief counseling, hands-on activities ken dadduma pay a resources.

Agpada a dagiti kameng ti Lahaina Advisory team ni Mayor Richard Bissen, da Laurie DeGama, Lahaina community organizer, ken ni Nestor Ugale, nga addaan iti generational ties ken ni Lahaina, ti nangparnuay iti konsepto iti likudan ti Remembrance Rides kas wagas a mangipaay iti addaan kaipapanan a panagserra para kadagiti umili a saan pay a nakakita iti ilida. Dagiti pagannurotan ti panagiwaragawag ti emerhensia ti county ket nanglapped ti panagserrek iti sona ti epekto gapu kadagiti peggad ti salun-at ken kinatalged. Dagiti residente sipud pay idi Setiembre ket naikkan iti limitado a panagserrek manen kadagiti espesipiko a sanikua.

Nasurok nga 40 a boluntario, agraman dagiti donasion manipud kadagiti lokal a negosio ken suporta manipud iti operator ti bus a Polynesian Adventure Tours, ti namagbalin a posible kadagiti Remembrance Rides.

Ti Remembrance Rides ti mangtanda iti panangrugi ti Kuhinia Maui, a pakairamanan ti sumaganad nga eskediul:

• “Paddle Out,” alas 9 ti bigat agingga alas 2:30 ti malem ti Agosto 8, danum iti Hanaka’o’o Beach Park iti ballasiw ti Lahaina Civic Center.

• “Upcountry Aloha Luncheon,” alas 10 ti bigat agingga alas dos ti malem Agosto 8, Hannibal Tavares Community Center sadiay Pukalani.

• “One-Year Tribute and Remembrance,” maysa a pakalaglagipan ti Lahaina a mangtanda iti makatawen sipud idi uram iti kabakiran, alas 5 agingga iti alas 9 ti rabii ti Agosto 8, Lahaina Civic Center Gymnasium.

• “Aloha para iti Kūpuna ti Lahaina” a panagtitipon ti kūpuna, alas 9 ti bigat agingga iti tengnga ti aldaw Agosto 9, Lahaina Civic Center Gymnasium.

• Puana Aloha no Lahaina “Konsierto para ken ni Lahaina,” alas 6 agingga iti alas 9 ti rabii Agosto 9, Lahaina Civic Center Gymnasium.

• “Ka Malu 'Ulu o Lele,” pabuya maipapan iti pakasaritaan ti Lahaina babaen kadagiti Kamehameha Schools Kapalama maikalima a grado, 1 agingga 2:30 ti malem Agosto 10, HP Baldwin High School Auditorium.

• Lahaina Obon Festival, alas 5 agingga alas 9 ti rabii Agosto 10, Lahaina Cannery Mall.

• “Aldaw ti Namnama & Kararag,” alas 10 ti bigat agingga alas 2:30 ti malem Agosto 11, Lahaina Civic Center Gymnasium

• “Upcountry Aloha” musika ken taraon nga event, alas 4 agingga alas 8 ti malem Agosto 11, Oskie Rice Arena.

Para iti impormasion, bisitaen ti www.kuhiniamaui.org .

..