Inpakaammo ita nga aldaw ti Office of Resiliency and Recovery a ti deadline a mangisubmitir iti baro nga aplikasion para iti Hawai'i Interim Housing Program (HIHP), para kadagiti taga-Maui a naidestiero gapu iti uram iti kabakiran idi Agosto 2023, ket Disiembre 15, 2024. Dagiti sangakabbalayan nga addaan iti agdama nga aplikasion ket addaan agingga iti Enero 15, 2025 tapno makompleto ti aniaman a nabati nga impormasion para iti pannakaproseso ti HIHP.

Ti HIHP ket imatmatonan ti Hawai'i Office of Recovery and Resiliency (HI-ORR) a makitinnulong iti estado a Departamento ti Serbisio ti Tao (DHS) ken ti Hawai'i Housing Finance and Development Corporation (HHFDC). Ti programa ti HIHP ket silulukat para kadagiti aplikasion manipud idi Hulio 2024 ken agdama a pagtaengan ti 135 a nakalasat a sangakabbalayan iti 148 a yunit iti sumagmamano a solusion ti balay iti intero a Maui.

Ti HIHP ket mangiraman kadagiti amin nga estado ti Hawaiʻi nga interim a lugar ti balay a mainaig iti panagsubli kadagiti uram ti kabakiran ti DR-4724-HI Maui, a mairaman ti Hale 'O Lāʻie (dati a ti Haggai Institute idiay Kīhei), Ka Laʻi Ola idiay Laud a Maui, ken ti Hawai'i Disaster Rental Assistance Program (RAP), a mangikabil kadagiti nakalasat kadagiti temporario a yunit ti panagabang. Mabalin met a magun-odan dagiti kanayonan nga interim housing site iti masanguanan.

Dagiti Kasapulan iti Kualipikasion:

Mabalin a maikarikayo iti HIHP no saankayo a maikari para kadagiti dadduma a porma ti benepisio ti balay iti didigra manipud iti seguro, FEMA, wenno dadduma pay a mangipapaay iti tulong iti didigra, nagnaedka idiay Maui County idi tiempo ti didigra ken:

• Naidestieroka iti kangrunaan a pagnanaedam gapu iti uram iti kabakiran ti Maui, wenno
• Naipasangoka iti pannakapukaw ti matgedan gapu iti didigra a nagbanag iti pannakapukaw ti kangrunaan a pagnanaedam.

Maiparparegta kadagiti sangakabbalayan nga agaplikar uray no dida masigurado ti pannakakualipikada. Awan ti magastos iti panagaplay, ken dagidiay naikabil iti interim housing ket saan a kasapulan nga agbayad iti abang wenno utility bills agingga iti Agosto 2025.

Dagiti Kasapulan iti Aplikasion:

Mabalin a kasapulan nga ipaay dagiti aplikante ti HIHP dagiti sumaganad a dokumentasion:

• Pammaneknek ti kinasiasino (awan ti kasapulan ti kinaumili) .
• Pammaneknek ti pre-disaster residency iti Maui County
• Ti ebidensia ti didigra ti nakaigapuan ti pannakapukaw ti matgedan ken di pannakabael a mangbayad iti abang wenno mortgage a nagresulta iti pannakapukaw ti pagnanaedam sakbay ti didigra
• Dokumentasion ti aniaman a sabali pay a naawat a tulong mainaig iti uram ti Maui

Para iti ad-adu pay nga impormasion ken tapno agaplay, bisitaen ti https://dbedt.hawaii.gov/hhfdc/hawaiistaterecovers/ wenno tawagan ti 1-808-727-1550. Mabalin ti tulong iti panagipatarus para kadagidiay limitado ti kinalaingda iti Ingles.