Dagiti nakalasat ket addaan itan iti dua a baro a lokasion ti Lahaina a mabalinda nga umawat iti impormasion wenno pannakaiturong kadagiti organisasion a mangitukon iti tulong kalpasan ti Agosto nga uram iti kabakiran iti Maui.

Mangrugi iti Lunes, Abril 29 , dagiti nakalasat ket mabalinda ti makipagkita kadagiti pederal a suporta a staff, agraman dagiti agipatarus iti pagsasao, ken dagiti organisasion ti komunidad iti Disaster Recovery Center iti Hyatt Regency Maui Resort and Spa iti 200 Nohea Kai Drive . Dagiti oras ket: alas 8 ti bigat agingga alas 4 ti malem Lunes agingga iti Biernes; 8 ti bigat agingga alas 2 ti malem ti Sabado; agserra iti Domingo . Kalpasan ti pannakipagkita kadagiti espesialista iti recovery center, siguraduenyo a mapasingkedan ti tiket ti panagparada ti Hyatt Regency.

Ti sentro ti panagsubli idiay Lahaina Civic Center Gymnasium, 1840 Honoapi'ilani Highway, ket agtartaray aginggana iti alas 3 ti malem ti Sabado, Abril 27, sakbay nga umakar idiay Hyatt Regency.

Ti Estado ti Hawaiʻi ket manglukat ti Sentro ti Rekurso ti Komunidad

Mangrugi pay iti Lunes, Abril 29 , ti Estado ti Hawaiʻi ket manglukat iti Sentro ti Rekurso ti Komunidad idiay Royal Lahaina Resort and Bungalows iti 2780 Keka'a Drive. Dagiti oras ket: alas 8 ti bigat agingga alas 4 ti malem Lunes agingga iti Biernes; 8 ti bigat agingga alas 2 ti malem ti Sabado; agserra iti Domingo .

Mabalin nga alaen dagiti residente ti Re-Entry Vehicle Pass ken PPE-da iti Community Resource Center:

Lunes, Mierkoles, Biernes: 8 am - 4 pm
Sabado: 8 ti bigat - 2 ti malem

Makatulong ti Community Resources Center kadagiti nakalasat a mangilasin kadagiti baro a rekurso tapno maipaay dagiti napaut a kasapulan iti panagimbag. Mabalin met ti makaala dagiti nakalasat kadagiti maskara, pormas ti Maui County Right-of-Entry ken plakard ti lugan a mangipalubos kadakuada a sumrek iti burn zone. Ket makaawatda iti impormasion maipapan kadagiti benepisio ti Supplemental Nutrition Assistance Program para iti panaggatang kadagiti taraon kadagiti groseri ken dadduma pay nga autorisado a retailer.

Dagiti Disaster Recovery Centers ket mabalin a mastrek dagiti tattao nga addaan iti depekto ken dagidiay addaan iti access ken functional needs. Addaanda kadagiti FEMA personnel kasta met dagiti espesialista manipud iti US Small Business Administration ken dagiti organisasion ti komunidad.

Dagiti agipatpatarus iti recovery center ket mangipaay iti tulong iti American Sign Language, Chamorro, Chuukese, Hawaiian, Ilocano, Kosraean, Palauan, Pohnpeian, Marshallese, Espaniol ken Tongan. Naipaskil ti eskediul iti sentro a mangipakita no ania nga aldaw ti maitukon nga espesipiko a pagsasao.

Napateg a makikomunikarka iti FEMA no baliwam ti adres wenno numero ti teleponom, uray no temporario laeng. Mabalin a maitantan ti tulongmo ti awan wenno di umiso nga impormasion.

No dika makabisita iti Disaster Recovery Center, ti tulong manipud iti FEMA ket maysa laeng nga awag iti telepono. Dagiti nakalasat a kasapulan ti agtultuloy a tulong iti panagabang ket mabalinda ti tumawag iti FEMA Helpline iti 800-621-3362 . Adu ti pagsasao dagiti operator ken mabalinda a sungbatan dagiti saludsodyo manipud alas 2 ti bigat agingga alas 9 ti rabii HST , pito nga aldaw iti makalawas .

Dagiti indibidual ken pamilia nga agur-uray a maikabil kadagiti yunit a maitukon iti sidong ti programa ti Direct Lease ti FEMA ket mabalinda ti umawag iti 808-784-1600. Ibati ti siam a digit a numero ti panagrehistro ti FEMA ken numero ti telepono a pakasaritaam. Isubli ti maysa a case worker ti tawagmo iti uneg ti 24 nga oras.

Mabalin met nga i-update dagiti nakalasat ti FEMA maipapan kadagiti panagbalbaliw iti personal nga impormasionda babaen ti panagbisita iti DisasterAssistance.gov . Usarem ti isu met laeng nga email nga intedmo idi nagaplayka iti tulong.

Mabalin a makipagkita dagiti nakalasat kadagiti espesialista ti SBA iti lokasion ti Hyatt Regency tapno mangipila kadagiti aplikasion, makagun-od kadagiti status updates ken makagun-od kadagiti sungbat kadagiti saludsod.

Ti maudi nga aldaw para kadagiti babassit a negosio, babassit a kooperatiba ti agrikultura, ken kaaduan a pribado a nonprofit nga organisasion nga agaplikar para iti SBA economic injury disaster loan ket Biernes, Mayo 10. Umaw-awat ti SBA kadagiti naladaw a physical damage loan applications online wenno personal agingga iti Martes, Hunio 11 , nga awan ti panangilawlawag. Mabalin met nga agaplikar dagiti nakalasat iti https://www.sba.gov/hawaii-wildfires , tawagan ti Customer Service Center iti 800-659-2955 wenno ag-email iti disastercustomerservice@sba.gov para iti impormasion.

Para iti kaudian nga impormasion maipapan kadagiti panagregget a mangpaimbag iti uram iti kabakiran ti Maui, bisitaen ti mauicounty.gov , mauirecovers.org , fema.gov/disaster/4724 ken Hawaii Wildfires - YouTube . Suroten ti FEMA iti social media: @FEMARegion9 ken facebook.com/fema . Mabalinmo pay ti makagun-od iti impormasion maipapan iti tulong iti didigra ken i-download dagiti aplikasion iti sba.gov/hawaii-wildfires .