Binaliwan ti County of Maui ti proseso para iti pananggun-od iti Consolidated Debris Removal Closeout Package para kadagiti sanikua a naapektaran iti Agosto 8, 2023, uram iti kabakiran idiay Lahaina ken Kula.

Bayat nga usarento pay laeng dagiti makinkukua iti sanikua ti mapa ti Consolidated Debris Removal Closeout Package iti https://www.MauiRecovers.org , dayta a mapa ket agsilpo itan iti County of Maui Automated Planning & Permitting System (MAPPS), a mabalin a mai-download ti pakete ti closeout.

..

Ti addang-addang a proseso para iti panag-download ti Consolidated Debris Removal Closeout Package (naikapet ti PDF):

1) Mapan iti Maui Recovers ken bisitaen ti mapa a “Consolidated Debris Removal Closeout Package” iti benneg ti Maps & Data.

2) Isurat ti property address mo iti search box. No ti closeout package ket mabalin nga i-download, ti sanikua ket mai-highlight iti ORANGE.

3) I-click-mo ti property-mo sa i-click-mo ti “View Permit & Documents” link iti pop-up box, a mangiturong kenka iti MAPPS.

4) I-click ti Permit Number, a mai-highlight iti YELLOW.

5) I-click ti “Attachments” tab tapno makastrek iti mai-download a PDF ti closeout package-yo.

Magun-od met ti video no kasano nga aramiden iti mapa ti Consolidated Debris Removal Closeout Package. I-click ti “Go to Help” link iti Q&A box tapno makita.

Tapno magun-od ti Consolidated Debris Removal Closeout Package-da, masapul nga i-download dagiti makinkukua iti sanikua manipud iti MAPPS. SAAN a maikoreo dagiti closeout package kadagiti makinkukua iti sanikua.

Apaman a masigurado ti US Army Corps of Engineers (USACE) nga amin a rugit a mainaig iti uram ket naikkaten iti maysa a sanikua ken ti panangsubok iti daga ket makasangpet kadagiti pagalagadan, agsubli dagiti kontraktor tapno mangikabil kadagiti pamay-an a mangkontrol iti erosion. Mabalinton nga i-download ti closeout package para iti dayta a sanikua di nagbayag kalpasanna.

Para iti kaudian nga impormasion maipapan iti panagregget a mangpaimbag iti uram iti kabakiran, bisitaen ti www.https://MauiRecovers.org .